തിരുവനന്തപുരം: ഇന്ധന വില വർധനക്കെതിരെ പ്രതിപക്ഷ നിയമസഭയിൽ അടിയന്തര പ്രമേയത്തിന് നോട്ടീസ് നൽകി. എൻ ഷംസുദ്ദീൻ എംഎൽഎയാണ് അടിയന്തര പ്രമേയ നോട്ടീസ് നൽകിയത്. പെട്രോൾ, ഡീസൽ വിലവർധന മൂലം ജനങ്ങൾ അഭിമുഖീകരിക്കുന്ന പ്രശ്നങ്ങൾ ചർച്ച ചെയ്യണമെന്നും പ്രതിപക്ഷം ആവശ്യപ്പെട്ടു. ഇന്ധന വില വർധനക്ക് കേന്ദ്രമാണ് ഉത്തരവാദികളെന്ന് ധനമന്ത്രി കെഎൻ ബാലഗോപാൽ പറഞ്ഞു.
ഗുരുതര സാഹചര്യമാണിത്. സംസ്ഥാന സർക്കാരിന് ഈ വിഷയത്തിൽ പങ്കില്ല. പ്രതിപക്ഷ നോട്ടീസ് ദുഷ്ടലാക്കോടെയാണ്. മറ്റ് സംസ്ഥാനങ്ങളിലെ അത്ര നികുതി പോലും കേരളത്തിൽ ഇല്ലെന്നും ധനമന്ത്രി പറഞ്ഞു. അതേസമയം രാജ്യത്തിന്റെ പലഭാഗത്തും ഇന്ധനവില ഇതിനോടകം തന്നെ 100 രൂപ പിന്നിട്ടു. ലോക്ക്ഡൗൺ മൂലം ജനങ്ങൾ കനത്ത പ്രതിസന്ധിയിലായ സമയത്താണ് ഇരുട്ടടിയായി ഇന്ധനവില വർധിക്കുന്നത്.
Read Also: ദുഷ്പേര് മാറ്റണം, ബിജെപിക്കെതിരായ നീക്കങ്ങളുടെ നേതൃത്വം കോൺഗ്രസ് ഏറ്റെടുക്കണം; കെ മുരളീധരൻ
