കൊച്ചി: പതിവ് തെറ്റിക്കാതെ രാജ്യത്ത് ഇന്നും ഇന്ധന വില വർധന. പെട്രോളിന് 30 പൈസയും ഡീസലിന് 37 പൈസയും കൂടി. ഇതോടെ ഇന്ന് കൊച്ചിയിൽ പെട്രോൾ ലീറ്ററിന് 103.25 രൂപയും ഡീസൽ ലീറ്ററിന് 96.53 രൂപയുയുമായി. ഇന്നലെയിത് യഥാക്രമം 102.95 രൂപയും 96.16 രൂപയുമായിരുന്നു.
ന്യൂഡെൽഹിയിൽ പെട്രോൾ വില 102.64 രൂപയും മുംബൈയിൽ 108.67 രൂപയുമാണ്. ഡീസലിന് ഡെൽഹിയിൽ 91.07 രൂപയാണ്. മുംബൈയിൽ 98.80 രൂപക്കാണ് ഡീസൽ ലഭിക്കുക. രാജ്യത്ത് പെട്രോൾ വില നേരത്തെ തന്നെ മിക്കയിടങ്ങളിലും നൂറ് കടന്നിരുന്നെങ്കിലും ഡീസൽ വില ഇപ്പോഴാണ് നൂറ് കടക്കുന്നത്. മധ്യപ്രദേശ്, രാജസ്‌ഥാൻ, ഒഡീഷ, ആന്ധ്രാ പ്രദേശ്, തെലങ്കാന എന്നിവിടങ്ങളിലാണ് ഡീസൽ വില നിലവിൽ നൂറ് കടന്നിരിക്കുന്നത്.
Read also: അപകടസമയം മകൻ കാറിൽ ഉണ്ടായിരുന്നില്ല; പുതിയ വാദവുമായി അജയ് മിശ്ര
