പ്രയാഗ്രാജ്: ഉത്തര്‍പ്രദേശ് ഫുല്‍പൂരിലെ ഇഫ്‌കോ (ഇന്ത്യന്‍ ഫാര്‍മേഴ്സ് ഫെര്‍ട്ടിലൈസര്‍ കോപ്പറേറ്റീവ് ലിമിറ്റഡ്) പ്‌ളാന്റില്‍ വാതക ചോര്‍ച്ചയില്‍ രണ്ട് മരണം. വാതക ചോര്‍ച്ചയുടെ കാരണം വ്യക്‌തമല്ല.
നിലവില്‍ ഒരു പ്‌ളാന്റ് യൂണിറ്റ് അടച്ചതായും ഗ്യാസ് ചോര്‍ച്ച അവസാനിപ്പിച്ചതായും പ്രയാഗ്രാജ് ഡിഎം ഭാനു ചന്ദ്ര ഗോസ്വാമി പറഞ്ഞു. സ്‌ഥിതി നിയന്ത്രണ വിധേയമാണെന്നും ഗോസ്വാമി അറിയിച്ചു.
Read Also: മുസ്‌ലിം ലീഗ് സംസ്‌ഥാന പ്രവര്‍ത്തക സമിതി യോഗം ഇന്ന്
സംഭവത്തില്‍ ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് അനുശോചനം രേഖപ്പെടുത്തി. ദുരിതാശ്വാസ പ്രവര്‍ത്തനങ്ങള്‍ വേഗത്തില്‍ നടത്താന്‍ ഉദ്യോഗസ്‌ഥര്‍ക്ക് മുഖ്യമന്ത്രി നിര്‍ദേശം നല്‍കി.
അതേസമയം വാതക ചോര്‍ച്ച എങ്ങനെ സംഭവിച്ചുവെന്ന് കണ്ടെത്തിയിട്ടില്ല. ചോര്‍ച്ചയുടെ കാരണം അന്വേഷിക്കാന്‍ മുഖ്യമന്ത്രി ഉത്തരവിട്ടിട്ടുണ്ട്.
