തിരുവനന്തപുരം : സംസ്ഥാനത്ത് സ്വർണവിലയിൽ വീണ്ടും വർധന തുടരുന്നു. ഇന്ന് സംസ്ഥാനത്ത് പവന്റെ വിലയിൽ 80 രൂപയാണ് വർധിച്ചത്. ഇതോടെ ഒരു പവൻ സ്വർണത്തിന്റെ വില 36,200 ആയി ഉയർന്നു. കഴിഞ്ഞ ദിവസം 36,120 രൂപയായിരുന്നു സംസ്ഥാനത്ത് സ്വർണവില.
കൂടാതെ ഗ്രാമിന്റെ വില 4,525 രൂപയാണ്. ആഗോള വിപണിയിൽ സ്പോട് ഗോൾഡ് വില നിലവിൽ ട്രോയ് ഔൺസിന് 1,829.14 ഡോളർ നിലവാരത്തിലാണ്. ഇതോടെ ഈയാഴ്ച മാത്രം 1.2 ശതമാനത്തിന്റെ ഉയർച്ചയാണ് വിലയിൽ ഉണ്ടായത്.
രാജ്യത്തെ കമ്മോഡിറ്റി വിപണിയായ എംസിഎക്സിൽ ഗോൾഡ് ഫ്യൂച്ചേഴ്സ് വിലയിൽ നേരിയ വർധനവുണ്ടായിട്ടുണ്ട്. 10 ഗ്രാം 24 കാരറ്റ് സ്വർണത്തിന് 48,369 രൂപ വില നിലവാരമാണ് ഇപ്പോഴുള്ളത്.
Read also : ട്രെയിനിൽ വെച്ച് പീഡനശ്രമം; പ്രതിക്കായുള്ള അന്വേഷണം ഊർജിതം