മലപ്പുറം: ഇലക്‌ട്രോണിക്‌സ് ഉപകരണത്തിൽ ഒളിപ്പിച്ചു കടത്താൻ ശ്രമിച്ച സ്വർണം പരിശോധനക്കിടെ കാണാതായി. സംഭവത്തിൽ മൂന്ന് കസ്‌റ്റംസ്‌ സൂപ്രണ്ടുമാർക്ക് സസ്‌പെൻഷൻ. ഒരാഴ്‌ച മുൻപ് വിദേശത്ത് നിന്ന് കോഴിക്കോട് വിമാനത്താവളത്തിൽ എത്തിയ യാത്രക്കാരൻ കൊണ്ടുവന്ന ഇലക്‌ട്രോണിക്‌സ് ഉപകരണത്തിൽ സ്വർണം ഉള്ളതായി എക്‌സ്‌റേ പരിശോധനയിൽ സൂചന ലഭിച്ചിരുന്നു.
കൂടുതൽ പരിശോധനക്കായി ഉപകരണം വാങ്ങിവെച്ച് യാത്രക്കാരനെ പറഞ്ഞുവിട്ടു. ഒരാഴ്‌ചയ്‌ക്ക് ശേഷം ഇന്നലെ യാത്രക്കാരൻ ഉപകരണം തിരിച്ചുവാങ്ങാൻ എത്തിയപ്പോൾ ഉയർന്ന ഉദ്യോഗസ്‌ഥർ എത്തി വീണ്ടും എക്‌സ്‌റേ പരിശോധന നടത്തി. എന്നാൽ, സ്വർണം ഇല്ലെന്ന ഫലമാണ് ലഭിച്ചത്. ഇതിലെ സ്വർണം ഉദ്യോഗസ്‌ഥർ വെട്ടിപ്പ് നടത്തിയോ എന്ന കാര്യം അന്വേഷിച്ചു വരികയാണ്.
Most Read: വഖഫ് ബോർഡ് നിയമനം; ഉടൻ പിഎസ്‌സിക്ക് വിടില്ല, വിശദമായ ചർച്ച നടത്തുമെന്ന് മുഖ്യമന്ത്രി
