യുവതാരം നിവിന് പോളിയുടെ ഏറ്റവും പുതിയ ചിത്രമായ ‘കനകം കാമിനി കലഹം‘ ചിത്രീകരണം ആരംഭിച്ചു. ചിത്രത്തില് നായികാ വേഷത്തില് എത്തുന്നത് കുമ്പളങ്ങി നൈറ്റ്സ്, തമാശ, ഹലാല് ലവ് സ്റ്റോറി തുടങ്ങിയ ചിത്രങ്ങളില് തിളങ്ങിയ ഗ്രേസ് ആന്റണിയാണ്.
കോവിഡ് മാനദണ്ഡങ്ങള് പാലിച്ചുകൊണ്ടാണ് ചിത്രീകരണം ആരംഭിച്ചത്. എറണാകുളമാണ് ലൊക്കേഷന്. ആന്ഡ്രോയിഡ് കുഞ്ഞപ്പന് ശേഷം രതീഷ് ബാലകൃഷ്ണൻ സംവിധാനം ചെയ്യുന്ന ചിത്രം പോളി ജൂനിയര് പ്രൊഡക്ഷന്സിന്റെ ബാനറില് നിവിന് പോളി തന്നെയാണ് നിര്മ്മിക്കുന്നത്.
ജോയ് മാത്യു, വിനയ് ഫോര്ട്ട്, ജാഫര് ഇടുക്കി, വിന്സി അലോഷ്യസ്, രാജേഷ് മാധവന് എന്നിവരാണ് മറ്റ് വേഷങ്ങളില് എത്തുന്നത്. ഛായാഗ്രഹണം വിനോദ് ഇല്ലംപിള്ളിയാണ് നിര്വഹിക്കുന്നത്. ആക്ഷേപ ഹാസ്യ രൂപത്തിലുള്ള ചിത്രമായിരിക്കും ഇതെന്നാണ് സൂചനകള്. എറണാകുളത്തിന് പുറമേ ഇടുക്കിയാണ് മറ്റൊരു ലൊക്കേഷനായി തീരുമാനിച്ചത്.
Read Also: വിജയ് സേതുപതിയുടെ 19 (1)(a) ചിത്രീകരണം ആരംഭിച്ചു