തിരുവനന്തപുരം: ജോലിക്കിടെ തല ലിഫ്റ്റിൽ കുടുങ്ങി ജീവനക്കാരന് ദാരുണാന്ത്യം. തിരുവനന്തപുരം അമ്പലമുക്കിലെ എസ്കെപി സാനിറ്ററി സ്റ്റോറിലെ ജീവനക്കാരനായ സതീഷ് കുമാറാണ് മരിച്ചത്. സാധനങ്ങൾ കൊണ്ടുപോകാൻ ഉപയോഗിക്കുന്ന ലിഫ്റ്റിൽ തല കുടുങ്ങിയാണ് അപകടത്തിൽപ്പെട്ടത്.
ഫയർഫോഴ്സ് എത്തി സതീഷിനെ ലിഫ്റ്റിൽ നിന്നും പുറത്തെടുത്തു. തുടർന്ന് ഗുരുതരമായി പരിക്കേറ്റ സതീഷിനെ പേരൂർക്കട ജില്ലാ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. നേമം സ്വദേശിയായ സതീഷ് കുമാർ വർഷങ്ങളായി ഈ സ്ഥാപനത്തിൽ ജോലി ചെയ്ത് വരികയായിരുന്നു.
Most Read: തലപ്പുഴയിൽ എംഡിഎംഎയുമായി അഞ്ച് യുവാക്കൾ പിടിയിൽ