തിരുവനന്തപുരം: സംസ്‌ഥാനത്ത് ഇന്ന് പൊതുവേ മഴ കുറവാണെങ്കിലും മലയോര മേഖലകളിൽ പരക്കെ മഴ പെയ്യാൻ സാധ്യതയുണ്ടെന്ന് വ്യക്‌തമാക്കി കാലാവസ്‌ഥാ നിരീക്ഷണ വകുപ്പ്. ഈ സാഹചര്യത്തിൽ മലയോര പ്രദേശങ്ങളിൽ താമസിക്കുന്ന ആളുകൾ കർശന ജാഗ്രത പുലർത്തണമെന്ന് അധികൃതർ വ്യക്‌തമാക്കി. കൂടാതെ ഇന്ന് തെക്കൻ കേരളത്തിലും, മധ്യ കേരളത്തിലും ചിലയിടങ്ങളിൽ മഴ ലഭിക്കാൻ സാധ്യതയുണ്ടെന്നും കാലാവസ്‌ഥാ കേന്ദ്രം അറിയിച്ചു.
അതേസമയം കുട്ടനാട് നിലവിൽ കനത്ത ജാഗ്രതയിലാണ്. താഴ്ന്ന പ്രദേശങ്ങളിൽ താമസിക്കുന്ന മുഴുവൻ ആളുകളെയും സുരക്ഷിത സ്‌ഥാനങ്ങളിലേക്ക് ഒഴിപ്പിക്കും. കുട്ടനാട്ടിൽ നിന്നുള്ള ആളുകളെ അമ്പലപ്പുഴ, ചങ്ങനാശേരി താലൂക്കുകളിൽ ഉള്ള കേന്ദ്രങ്ങളിലേക്ക് ആയിരിക്കും ഒഴിപ്പിക്കുക.
സംസ്‌ഥാനത്ത് ഇന്ന് പൊതുവേ മഴയുടെ അളവ് കുറവായിരിക്കുമെങ്കിലും വ്യാഴം, വെള്ളി ദിവസങ്ങളിൽ മഴ ശക്‌തമാക്കാൻ സാധ്യതയുണ്ടെന്നും അധികൃതർ വ്യക്‌തമാക്കി.
Read also: കൈക്കൂലി; അസി.മോട്ടോർ വെഹിക്കിൾ ഇൻസ്‌പെക്‌ടർ വിജിലൻസ് പിടിയിൽ
