കണ്ണൂർ: കൈക്കൂലി വാങ്ങിയ സംഭവത്തിൽ പയ്യന്നൂർ അസി.മോട്ടോർ വെഹിക്കിൾ ഇൻസ്‌പെക്‌ടറെ വിജിലൻസ് സംഘം അറസ്‌റ്റ് ചെയ്‌തു. മോട്ടോർ വാഹനവകുപ്പിന്റെ പയ്യന്നൂർ വെള്ളൂരിലെ സബ് റീജിയണൽ ട്രാൻസ്‌പോർട് ഓഫിസിലെ അസി. മോട്ടോർ വെഹിക്കിൾ ഇൻസ്‌പെക്‌ടറായ പിവി പ്രസാദിനെയാണ് വിജിലൻസ് അറസ്‌റ്റ് ചെയ്‌തത്‌.
പയ്യന്നൂരിലെ ട്രാൻസ്‌പോർട് ഓഫിസിൽ വിജിലൻസ് സംഘം നടത്തിയ റെയ്‌ഡിനിടെ കൈക്കൂലി വാങ്ങുന്നതായി ശ്രദ്ധയിൽപെട്ട ഉദ്യോഗസ്‌ഥനെയാണ് പിടികൂടിയത്. ഇയാൾ നിരന്തരമായി കൈക്കൂലി വാങ്ങുന്നതായി ലഭിച്ച പരാതിയെ തുടർന്നാണ് വിജിലൻസ് പരിശോധന നടത്തിയത്. വിജിലൻസ് ഡിവൈഎസ്‌പി ബാബു പെരിങ്ങത്തിന്റെ നേതൃത്വത്തിലുള്ള സംഘമാണ് പരിശോധന നടത്തിയത്.
Most Read: പെണ്‍കുട്ടികള്‍ക്ക് വിദ്യാഭ്യാസം ഉറപ്പാക്കണം; താലിബാന് കത്തയച്ച് മലാല
