തിരുവനന്തപുരം: 2021 മാര്ച്ചിലെ ഹയര് സെക്കന്ഡറി/ വൊക്കേഷണല് ഹയര് സെക്കന്ഡറി പരീക്ഷകളുടെ മൂല്യനിര്ണയ ക്യാംപുകള് ജൂണ് ഒന്നിന് ആരംഭിച്ച് ജൂണ് 19ന് പൂര്ത്തീകരിക്കുമെന്ന് വിദ്യാഭ്യാസ മന്ത്രി വി ശിവന്കുട്ടി അറിയിച്ചു.
ഹയര് സെക്കന്ഡറി വിഭാഗത്തില് 79 ക്യാംപുകളിലായി 26447 അധ്യാപകരേയും വൊക്കേഷണല് ഹയര് സെക്കന്ഡറി വിഭാഗത്തില് 8 ക്യാംപുകളിലായി 3031 അധ്യാപകരേയുമാണ് മൂല്യ നിര്ണയത്തിനായി നിയോഗിച്ചിട്ടുള്ളത്.
ഹയര് സെക്കന്ഡറി/ വൊക്കേഷണല് ഹയര് സെക്കന്ഡറി പ്രാക്ടിക്കൽ പരീക്ഷകള് ജൂണ് 21 മുതല് ജൂലൈ 7 വരെയുള്ള തീയതികളിലായി ക്രമീകരിച്ച് നടത്തുന്നതാണ്. എസ്എസ്എല്സി/ ടിഎച്ച്എസ്എല്സി പരീക്ഷകളുമായി ബന്ധപ്പെട്ട പ്രാക്ടിക്കൽ പരീക്ഷകള് ഒഴിവാക്കാനാണ് നിലവില് തീരുമാനം.
അതേസമയം 2021 മാര്ച്ചിലെ എസ്എസ്എല്സി/ ടിഎച്ച്എസ്എല്സി പരീക്ഷകളുടെ മൂല്യ നിര്ണയ ക്യാംപുകള് ജൂണ് 7ന് ആരംഭിച്ച് ജൂണ് 25ന് പൂര്ത്തീകരിക്കുന്നതാണ്. എസ്എസ്എല്സി പരീക്ഷയുടെ മൂല്യ നിര്ണയത്തിനായി 70 ക്യാംപുകളിലായി 12512 അധ്യാപകരേയും ടിഎച്ച്എസ്എല്സി പരീക്ഷയുടെ മൂല്യ നിര്ണയത്തിനായി രണ്ട് ക്യാംപുകളിലായി 92 അധ്യാപകരേയുമാണ് നിയോഗിച്ചിട്ടുള്ളത്.
Must Read: കോവിഡ് പ്രതിരോധ വസ്തുക്കൾക്ക് വിപണിയിൽ അമിതവില; കർശന നടപടിയുമായി സർക്കാർ