ദുബായ്: അല് ലിസൈലിയിലെ വീട്ടിൽ തീപിടുത്തം. വെള്ളിയാഴ്ച രാവിലെയായിരുന്നു സംഭവം. വീടിന് പുറത്തായി സജ്ജീകരിച്ചിരുന്ന ടെന്റിലുണ്ടായ വൈദ്യുത ഷോര്ട് സര്ക്യൂട്ടാണ് അപകട കാരണമായതെന്നാണ് റിപ്പോര്ട്ടുകള്.
തീ നിയന്ത്രണ വിധേയമാക്കിയതായി ദുബായ് സിവില് ഡിഫന്സ് അറിയിച്ചു. ഇവിടെ താമസിച്ചിരുന്ന ഒരു കുടുംബത്തിലെ 12 അംഗങ്ങളെ അഗ്നിശമന സേനാംഗങ്ങള് രക്ഷപ്പെടുത്തി. സംഭവത്തില് ആളപായമൊന്നും റിപ്പോർട് ചെയ്യപ്പെട്ടിട്ടില്ല.
എന്നാല് വീട്ടില് സജ്ജീകരിച്ചിരുന്ന ടെന്റും അതിന് ചുറ്റുമുണ്ടായിരുന്ന മറ്റ് സാധനങ്ങളും പൂര്ണമായി കത്തി നശിച്ചു. വെള്ളിയാഴ്ച രാവിലെ 7.21നാണ് തീപിടുത്തം സംബന്ധിച്ച് സിവില് ഡിഫന്സിന് വിവരം ലഭിച്ചത്. ഏഴ് മിനിറ്റിനുള്ളില് രക്ഷാപ്രവര്ത്തകര് സ്ഥലത്ത് എത്തിയതായി അധികൃതര് അറിയിച്ചു. മിനിറ്റുകള്ക്കുള്ളില് തന്നെ തീ പൂര്ണമായി നിയന്ത്രണ വിധേയമാക്കാന് സാധിച്ചതായും അധികൃതർ വ്യക്തമാക്കി.
Most Read: ഭവാനിദേവി; ഫെൻസിങ്ങിൽ ഒളിമ്പിക്സ് യോഗ്യത നേടുന്ന ആദ്യ ഇന്ത്യക്കാരി; കേരളത്തിനും അഭിമാനം