ആലപ്പുഴ: ജില്ലയിലെ പള്ളാത്തുരുത്തി കന്നിട്ട ബോട്ടുജെട്ടിക്ക് സമീപം ഹൗസ്ബോട്ട് മുങ്ങി ഒരാളെ കാണാതായി. കൈനകരി സ്വദേശിയെയാണ് കാണാതായതെന്നാണ് സംശയം. ഇന്ന് പുലർച്ചെ 4.30നാണ് നിർത്തിയിട്ടിരുന്ന ഹൗസ്ബോട്ട് മുങ്ങിയത്.
നിലവിൽ കാണാതായ ആൾക്ക് വേണ്ടി ആലപ്പുഴ അഗ്നിരക്ഷാ സേനയുടെ നേതൃത്വത്തിൽ തിരച്ചിൽ നടക്കുകയാണ്. അപകടം നടക്കുന്ന സമയത്ത് 3 തമിഴ്നാട് സ്വദേശികളായ വിനോദസഞ്ചാരികളാണ് ഹൗസ്ബോട്ടിൽ ഉണ്ടായിരുന്നത്. വെള്ളം കയറി തുടങ്ങിയതോടെ ഇവർ 3 പേരും ബോട്ടിന് പുറത്തിറങ്ങി.
തുടർന്ന് ഇവരുടെ ബാഗുകൾ എടുക്കാൻ സഹായിക്കുന്നതിന് ഇടയിലാണ് പ്രദേശവാസിയെ കാണാതായത്. ഒരു തവണ ബാഗ് എടുത്തു നൽകിയതിനു ശേഷം ഇയാൾ വീണ്ടും ബോട്ടിൽ കയറിയതിന് പിന്നാലെയാണ് കാണാതായതെന്ന് പോലീസ് വ്യക്തമാക്കി.
Read also: പ്രവാചക നിന്ദ; ഡെൽഹി ജുമാ മസ്ജിദിൽ പ്രതിഷേധിച്ചവർക്ക് എതിരെ കേസ്