ആലപ്പുഴ: ജില്ലയിലെ പള്ളാത്തുരുത്തി കന്നിട്ട ബോട്ടുജെട്ടിക്ക് സമീപം ഹൗസ്ബോട്ട് മുങ്ങി കാണാതായ ജീവനക്കാരന്റെ മൃതദേഹം കണ്ടെത്തി. പള്ളാത്തുരുത്തി സ്വദേശി പ്രസന്നന്റെ മൃതദേഹമാണ് കണ്ടെത്തിയത്. ആലപ്പുഴ അഗ്നിരക്ഷാ സേനയുടെ നേതൃത്വത്തിൽ മൂന്ന് മണിക്കൂറോളം നീണ്ടുനിന്ന തിരച്ചിലിനിടെയാണ് മുങ്ങിയ ബോട്ടിനകത്ത് കുടുങ്ങിയ നിലയിൽ മൃതദേഹം കണ്ടെത്തിയത്.
ഇന്ന് പുലർച്ചെ 4.30നാണ് നിർത്തിയിട്ടിരുന്ന ഹൗസ്ബോട്ട് മുങ്ങിയത്. അപകടം നടക്കുന്ന സമയത്ത് 3 തമിഴ്നാട് സ്വദേശികളായ വിനോദസഞ്ചാരികളാണ് ഹൗസ്ബോട്ടിൽ ഉണ്ടായിരുന്നത്. വെള്ളം കയറി തുടങ്ങിയതോടെ ഇവർ 3 പേരും ബോട്ടിന് പുറത്തിറങ്ങി. തുടർന്ന് ഇവരുടെ ബാഗുകൾ എടുക്കാൻ സഹായിക്കുന്നതിന് ഇടെയാണ് ജീവനക്കാരൻ ബോട്ടിനകത്ത് കുടുങ്ങിയത്.
Most Read: എറണാകുളത്തും മുഖ്യമന്ത്രിക്ക് കനത്ത പോലീസ് സുരക്ഷ ഏർപ്പെടുത്തി