ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനിടെ 1,49,394 പുതിയ കോവിഡ് കേസുകൾ റിപ്പോർട് ചെയ്‌തതായി കേന്ദ്ര ആരോഗ്യ കുടുംബക്ഷേമ മന്ത്രാലയം അറിയിച്ചു. ഇതോടെ രാജ്യത്ത് ഇതുവരെ റിപ്പോർട് ചെയ്യപ്പെട്ട ആകെ കോവിഡ് കേസുകളുടെ എണ്ണം 4,19,52,712 ആയി ഉയർന്നു.
1,072 പേർക്കാണ് 24 മണിക്കൂറിനിടെ കോവിഡ് മൂലം ജീവൻ നഷ്‌ടമായത്‌. ഇതോടെ രാജ്യത്തെ ആകെ മരണസംഖ്യ 5,00,055 ആയി.
1,42,859 മരണങ്ങളോടെ, രാജ്യത്ത് ഏറ്റവും കൂടുതൽ മരണങ്ങൾ റിപ്പോർട് ചെയ്‌തിരിക്കുന്നത്‌ മഹാരാഷ്‌ട്രയിലാണ്. തൊട്ടുപിന്നിൽ കേരളം (56701), കർണാടക (39,197), തമിഴ്‌നാട് (37,666), ഡെൽഹി (25,932), ഉത്തർപ്രദേശ് (23,277) എന്നീ സംസ്‌ഥാനങ്ങളുമുണ്ട്.
കഴിഞ്ഞ ദിവസം 2,46,674 പേർ രോഗമുക്‌തിയും നേടിയിട്ടുണ്ട്. 4,00,17,088 പേരാണ് ഇതുവരെ രാജ്യത്ത് കോവിഡിൽ നിന്നും മുക്‌തി നേടിയത്.
നിലവിൽ 14,35,569 സജീവ കേസുകളാണ് രാജ്യത്തുള്ളത്. 16,11,666 സാമ്പിളുകളാണ് കഴിഞ്ഞ ദിവസം പരിശോധനയ്‌ക്ക് വിധേയമാക്കിയത്. പ്രതിദിന പോസിറ്റിവിറ്റി നിരക്ക് 9.27 ശതമാനമാണ്.
കേരളത്തിലും രോഗവ്യാപനം രൂക്ഷമാണ്. കഴിഞ്ഞ ദിവസം 42,677 പേർക്കാണ് സംസ്‌ഥാനത്ത് കോവിഡ് സ്‌ഥിരീകരിച്ചത്‌. 1,14,610 സാമ്പിൾ പരിശോധനയ്‌ക്ക് വിധേയമാക്കി. രോഗമുക്‌തി നേടിയവർ 50,821 പേരും കോവിഡ് മരണം സ്‌ഥിരീകരിച്ചത്‌ 36 പേർക്കുമാണ്.
അതേസമയം രാജ്യത്ത് വാക്‌സിനേഷനും പുരോഗമിക്കുകയാണ്. ഇതുവരെ 168.47 കോടി വാക്‌സിൻ ഡോസുകൾ വിതരണം ചെയ്‌തതായി ആരോഗ്യ മന്ത്രാലയം അറിയിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
