ഐപിഎൽ താരലേലം; അന്തിമ പട്ടികയിൽ ഇടം നേടാതെ ശ്രീശാന്ത്; ആകെ 292 താരങ്ങൾ

By News Desk, Malabar News
IPL Auction 2021
Representational Image
Ajwa Travels

മുംബൈ: ഐപിഎൽ പതിനാലാം സീസണിലെ താരലേലത്തിന്റെ അന്തിമ പട്ടികയിൽ ഇടം നേടാതെ എസ് ശ്രീശാന്ത് പുറത്ത്. വിലക്ക് നീക്കിയതോടെ ഫെബ്രുവരി 18ന് നടക്കാനിരിക്കുന്ന ലേലത്തിൽ പങ്കെടുക്കുന്നതിനായി പേര് രജിസ്‌റ്റർ ചെയ്‌തിരുന്നെങ്കിലും ശ്രീശാന്തിനെ അവസാന പട്ടികയിൽ നിന്ന് നീക്കുകയായിരുന്നു. 75 ലക്ഷം ആയിരുന്നു ശ്രീശാന്തിന്റെ അടിസ്‌ഥാന വില.

ആകെ 292 താരങ്ങളാണ് ഫെബ്രുവരി 18ന് ചെന്നൈയിൽ നടക്കുന്ന ലേലത്തിൽ പങ്കെടുക്കുക. 1,114 താരങ്ങൾ തുടക്കത്തിൽ രജിസ്‌റ്റർ ചെയ്‌തിരുന്നെങ്കിലും 8 ഫ്രാഞ്ചൈസികൾ ചേർന്ന് 292 പേരുടെ ഷോർട് ലിസ്‌റ്റ് തയാറാക്കിയതോടെ പകുതി പേരും പുറത്താവുകയായിരുന്നു.

അതേസമയം, സച്ചിൻ ടെണ്ടുൽക്കറുടെ മകൻ അർജുൻ ടെണ്ടുൽക്കർ അന്തിമ പട്ടികയിൽ സ്‌ഥാനം പിടിച്ചിട്ടുണ്ട്. 20 ലക്ഷം രൂപയാണ് അർജുന്റെ അടിസ്‌ഥാന വില.

ഹർഭജൻ സിംഗ്, കേദാർ ജാദവ്, വിദേശ കളിക്കാരായ ഗ്‌ളെൻ മാക്‌സ്‌വെൽ, സ്‌റ്റീവ്‌ സ്‌മിത്ത്, ഷാക്കിബ് അൽ ഹസൻ, മൊയീൻ അലി, സാം ബില്ലിങ്സ്, ലിയാം പ്‌ളങ്കറ്റ്, ജേസൺ റോയി, മാർക്ക് വുഡ് എന്നിവരാണ് ഏറ്റവും ഉയർന്ന അടിസ്‌ഥാന വിലയായ രണ്ട് കോടിയുടെ പട്ടികയിൽ ഉൾപ്പെട്ട താരങ്ങൾ.

ഹനുമ വിഹാരിയും ഉമേഷ് യാദവും ഒരു കോടിയുടെ പട്ടികയിലെ 11 കളിക്കാരുടെ കൂട്ടത്തിൽ ഇടം നേടി. ചെന്നൈയിൽ നടക്കുന്ന വിവോ ഐപിഎൽ പ്‌ളെയർ ലേലത്തിൽ 164 ഇന്ത്യൻ കളിക്കാരും 125 വിദേശ കളിക്കാരും അസോസിയേറ്റ് നേഷൻസിലെ 3 കളിക്കാരും പങ്കെടുക്കും.

Also Read: ‘വാക്‌സിന്‍ വിതരണം കഴിഞ്ഞാലുടന്‍ പൗരത്വ ഭേദഗതി നിയമം നടപ്പിലാക്കും’; അമിത് ഷാ

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE