തിരുവനന്തപുരം: സംസ്‌ഥാനത്തെ വോട്ടർ പട്ടികയിൽ വ്യാപക ക്രമക്കേടെന്ന പ്രതിപക്ഷ നേതാവ്‌ രമേശ് ചെന്നിത്തലയുടെ പരാതിയിൽ കേന്ദ്ര തിരഞ്ഞെടുപ്പ് കമ്മീഷൻ അന്വേഷണം ആരംഭിച്ചു. കമ്മീഷൻ നിയോഗിച്ച ഉന്നതതല സംഘം ഇന്നലെ രാത്രി തിരുവനന്തപുരത്ത് എത്തി. 10 മണിക്ക് ചേർന്ന അടിയന്തര യോഗത്തിൽ മുഖ്യ തിരഞ്ഞെടുപ്പ് ഓഫീസർ ടിക്കാറാം മീണ ഉൾപ്പടെയുള്ള ഉദ്യോഗസ്‌ഥർ ഇതുവരെ സ്വീകരിച്ച നടപടികൾ വിശദീകരിച്ചു.
ഇരട്ട വോട്ടുകളുടെ വിവരങ്ങൾ സഹിതം ചെന്നിത്തല തിരഞ്ഞെടുപ്പ് കമ്മീഷന് പരാതി നൽകിയിരുന്നു. ഹൈക്കോടതിയെയും പ്രതിപക്ഷം സമീപിച്ചിട്ടുണ്ട്. ഹരജി തിങ്കളാഴ്‌ച പരിഗണിക്കും.
അതേസമയം, വിഷയത്തില്‍ വിശദമായ സത്യവാങ്മൂലം ഹൈക്കോടതിയില്‍ സമര്‍പ്പിക്കുമെന്ന് ടിക്കാറാം മീണ കഴിഞ്ഞ ദിവസം വ്യക്‌തമാക്കിയിരുന്നു. നിലവിലെ പരിശോധനകളുടെ വിവരങ്ങളും ഇറോനെറ്റ് സോഫ്റ്റ്‌വെയറിന്റെ ഉപയോഗവും വിഷയത്തില്‍ സ്വീകരിക്കുന്ന തുടര്‍ നടപടികള്‍ എന്നിവയെല്ലാം കോടതിയെ ബോധിപ്പിക്കുമെന്നും ടിക്കാറാം മീണ അറിയിച്ചു.
Also Read: ആദായനികുതി വകുപ്പ് റെയ്‌ഡ്‌; പ്രതികരണവുമായി കിഫ്‌ബി
