പനാജി: ഐഎസ്എല്ലിൽ ഇന്ന് ഹൈദരാബാദ്-ചെന്നൈയിൻ പോരാട്ടം. രാത്രി 7:30ന് ഗോവയിലെ ബംബോളിം ജിഎംസി അത്ലറ്റിക് സ്റ്റേഡിയത്തിലാണ് മൽസരം. കഴിഞ്ഞ സീസണിൽ ഹൈദരാബാദിന് പ്ളേ ഓഫ് നഷ്ടമായത് നേരിയ മാർജിനിലാണ്. പക്ഷെ ഇക്കുറി കരുതലോടെയാണ് നൈസാമുകളുടെ ഒരുക്കം.
എല്ലാ പൊസിഷനുകളിലും പ്രതിഭാശാലികളായ യുവ താരങ്ങളുടെ സാന്നിധ്യമാണ് ഹൈദരാബാദ് ടീമിന്റെ കരുത്ത്. പരിചയ സമ്പന്നരായ ഒത്തിരി താരങ്ങളെയും നടപ്പ് സീസണിൽ ടീമിലെത്തിച്ചിട്ടുണ്ട്.
അതേസമയം, കഴിഞ്ഞ സീസണിലെ നിരാശാജനകമായ പ്രകടനത്തിന് കണക്ക് തീർക്കാൻ ഉറച്ചാണ് ചെന്നൈയിൻ എഫ്സി എത്തുന്നത്. പുതിയ പരിശീലകൻ ബോസിദാർ ബന്ദോവിച്ചിന് കീഴിൽ ശുഭ പ്രതീക്ഷയിലാണ് രണ്ട് തവണ ചാമ്പ്യൻമാരായ ചെന്നൈയിൻ ടീമിന്റെ പടയൊരുക്കം.
നടപ്പ് സീസണിൽ 5 പുതിയ വിദേശ താരങ്ങളെ ചെന്നൈ ടീമിൽ ഉൾപ്പെടുത്തിയിട്ടുണ്ട്. റാഫേൽ ക്രിവെല്ലാരോ , മിർലാൻ മുർസേവ് എന്നിവരാണ് ശ്രദ്ധേയ വിദേശ താരങ്ങൾ.
Read Also: ആകാംക്ഷയും ആവേശവും ഉണർത്തി ‘കാവൽ’ ടീസർ