ആറൻമുള: പത്തനംതിട്ടയിൽ സിപിഐഎം സ്ഥാനാർഥികളുടെ സാധ്യതാ പട്ടികയായി. ആറൻമുളയിൽ വീണാ ജോർജും കോന്നിയിൽ ജനീഷ് കുമാറും മൽസരിക്കും. ഇരുവർക്കും രണ്ടാമൂഴമാണ്. ഇന്ന് ചേർന്ന ജില്ലാ സെക്രട്ടേറിയേറ്റ് യോഗത്തിലാണ് തീരുമാനം. അന്തിമ തീരുമാനം സംസ്ഥാന സെക്രട്ടേറിയേറ്റ് യോഗത്തിലുണ്ടാവും. അതേസമയം റാന്നിയിൽ രാജു എബ്രഹാമിന്റെ കാര്യത്തിൽ അന്തിമ തീരുമാനം ആയില്ല. രാജു എബ്രഹാമിന് ഒരവസരം കൂടി നൽകണമെന്നാണ് ജില്ലാ സെക്രട്ടറിയേറ്റിൽ ഭൂരിപക്ഷത്തിന്റെയും ആവശ്യം. മന്ത്രി തോമസ് ഐസക്, സംസ്ഥാന സെക്രട്ടറിയേറ്റ് അംഗം കെജെ തോമസ് എന്നിവർ യോഗത്തിൽ പങ്കെടുത്തു.
Read also: നിയമസഭാ തിരഞ്ഞെടുപ്പ്; കൊല്ലത്ത് മുകേഷിന് രണ്ടാമൂഴം