‘വെള്ള’ത്തിന് ശേഷം സംവിധായകൻ പ്രജേഷ് സെന്നും ജയസൂര്യയും വീണ്ടും ഒന്നിക്കുന്ന ചിത്രത്തിന്റെ പേര് പുറത്തുവിട്ടു. മഞ്ജു വാര്യർ നായികയായി എത്തുന്ന ചിത്രത്തിന് ‘മേരി ആവാസ് സുനോ‘ എന്നാണ് പേര് നൽകിയിരിക്കുന്നത്. ലോക റേഡിയോ ദിനത്തിലാണ് സിനിമയുടെ പേര് അണിയറക്കാർ പ്രഖ്യാപിച്ചത്.
ബി. രാകേഷാണ് ചിത്രം നിര്മ്മിക്കുന്നത്. ജയസൂര്യയും മഞ്ജു വാര്യരും ആദ്യമായി ഒന്നിക്കുന്ന ചിത്രം കൂടിയാണ് ‘മേരി ആവാസ് സുനോ’. സിനിമയുടെ ചിത്രീകരണം തിരുവനന്തപുരത്തു ആരംഭിച്ച വിവരം നിര്മ്മാതാവും മുതിര്ന്ന പ്രൊഡക്ഷന് കണ്ട്രോളറുമായ ബാദുഷ ഫേസ്ബുക് പോസ്റ്റിലൂടെ പ്രേക്ഷകരുമായി പങ്കുവെച്ചു.
ലോക്ക്ഡൗണിന് ശേഷം തിയേറ്ററിൽ ആദ്യമെത്തിയ മലയാള സിനിമയായ ‘വെള്ള’ത്തിന് ശേഷമാണ് പ്രജീഷ് സെന്നും ജയസൂര്യയും വീണ്ടും ഒന്നിക്കുന്നത്. ജയസൂര്യയുടെ ‘ക്യാപ്റ്റന്’ എന്ന ചിത്രവും പ്രജേഷ് സെൻ ആണ് സംവിധാനം ചെയ്തിരുന്നത്.
Read Also: ഓസ്ട്രേലിയന് ഓപ്പണ്; നാലാം റൗണ്ടില് കടന്ന് നദാല്