കെ-റെയിൽ: കണ്ണടച്ച് എതിര്‍ക്കുന്നത് ജനാധിപത്യമല്ല; ശശി തരൂർ

By Syndicated , Malabar News
shashi-tharoor
Ajwa Travels

ന്യൂഡെൽഹി: കെ-റെയില്‍ സില്‍വര്‍ ലൈന്‍ പദ്ധതിയിൽ സര്‍ക്കാരിന്റെ ഭാഗം കേള്‍ക്കാൻ തയ്യാറാവാത്തത് ജനാധിപത്യ വിരുദ്ധമാണെന്ന് കോണ്‍ഗ്രസ് എംപി ശശി തരൂര്‍. ചര്‍ച്ചയും സംവാദവും വിയോജിപ്പുമാണ് ജനാധിപത്യത്തിന്റെ അടിസ്ഥാന ശിലകളെന്നും ഇംഗ്ളീഷ് വാര്‍ത്താ പോര്‍ട്ടലില്‍ എഴുതിയ ലേഖനത്തില്‍ തരൂര്‍ വ്യക്‌തമാക്കുന്നു.

ആശയപരമായി എതിര്‍ ഭാഗത്തുള്ളവര്‍ മുന്നോട്ടുവെക്കുന്ന എന്തിനെയും എതിര്‍ക്കുക എന്ന മനോഭാവം അംഗീകരിക്കാനാകില്ല. ബിജെപി ഇതാണ് നിരന്തരം ചെയ്‌തുകൊണ്ടിരിക്കുന്നത്. യുഡിഎഫിനും എല്‍ഡിഎഫിനും ഇതുതന്നെയാണ് പലപ്പോഴും സംഭവിക്കുന്നത്. തിരുവനന്തപുരം വിമാനത്താവളം ഉള്‍പ്പെടെയുള്ള വിഷയങ്ങളില്‍ സര്‍ക്കാറിന്റെ പിന്തിരിപ്പന്‍ തീരുമാനങ്ങളെ ഞാന്‍ എതിര്‍ത്തിരുന്നു.

എന്നാല്‍ കെ-റെയില്‍ വിഷയത്തില്‍ എന്റെ ചില സഹപ്രവര്‍ത്തകര്‍ ശത്രുവിനെ സഹായിച്ചു എന്ന പേരില്‍ എന്ന തള്ളിപ്പറഞ്ഞു. സിപിഎം വക്‌താവ് തന്ത്രപരമായി എന്നെ അഭിനന്ദിച്ചു. പല വിഷയങ്ങളിലും ഞാന്‍ സിപിഎമ്മിനെയും മുഖ്യമന്ത്രിയെയും എതിര്‍ത്തിട്ടുണ്ട് എന്നത് മറന്ന് ഞാന്‍ മുഖ്യമന്ത്രിയെ പിന്തുണച്ചു എന്നതു മാത്രമായി ചുരുക്കി.

കെ-റെയില്‍ പദ്ധതിയെ കുറിച്ച് നന്നായി പഠിക്കാതെ അക്കാര്യത്തില്‍ നിലപാട് എടുക്കാനാകില്ല. അങ്ങനെയൊരു പഠനം നടക്കാതിരുന്നതിനാലാണ് യുഡിഎഫ് എംപിമാര്‍ കേന്ദ്ര റെയില്‍വേ മന്ത്രിക്ക് അയച്ച കത്തില്‍ താന്‍ ഒപ്പുവെക്കാതിരുന്നത്. കണ്ണടച്ച് ഒരു പദ്ധതിയെയും എതിര്‍ക്കുന്നത് ജാനാധിപത്യത്തില്‍ സ്വാഗതാര്‍ഹമായ നിലപാടല്ല; ശശി തരൂർ ചൂണ്ടിക്കാട്ടി.

Read also: രാഷ്‌ട്രീയ കൊലപാതകം; ആലപ്പുഴയിൽ നാളെ സര്‍വകക്ഷി യോഗം

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE