ഭോപാൽ: മുതിർന്ന കോൺഗ്രസ് നേതാവ് കമൽനാഥ്‌ മധ്യപ്രദേശ് നിയമസഭയിലെ പ്രതിപക്ഷ സ്‌ഥാനം രാജിവെച്ചു. കമൽനാഥിന്റെ രാജി കോൺഗ്രസ് ഹൈക്കമാൻഡ് അംഗീകരിച്ചു. കമൽനാഥിന്റെ രാജി സ്വീകരിച്ച ഹൈക്കമാൻഡ് ഗോവിന്ദ് സിംഗിനെ നിയമസഭയിലെ കക്ഷി നേതാവായും പ്രതിപക്ഷ നേതാവായും നിയമിക്കുകയും ചെയ്‌തു. മധ്യപ്രദേശ് മുൻ മുഖ്യമന്ത്രി കൂടിയാണ് കമൽനാഥ്‌.
രാജി കോൺഗ്രസ് പ്രസിഡണ്ട് അംഗീകരിച്ചുവെന്ന് അറിയിച്ചുകൊണ്ട് എഐസിസി ജനറൽ സെക്രട്ടറി കെസി വേണുഗോപാൽ, കമൽനാഥിന് അയച്ച കത്ത് പുറത്തെത്തിയിട്ടുണ്ട്. കോൺഗ്രസിന്റെ നിയമസഭാ കക്ഷി നേതാവ് എന്ന നിലയിൽ നൽകിയ സംഭാവനകളെ അഭിനന്ദിക്കുന്നതായും കത്തിൽ പറയുന്നു.
Most Read: ഇന്ധനവില വർധനവ്; കേരളത്തെ പ്രധാനമന്ത്രി വിമർശിച്ചത് ഖേദകരം- മുഖ്യമന്ത്രി
