കാസർഗോഡ്: ജില്ലയില് 81പേര്ക്ക് ശനിയാഴ്ച കോവിഡ് സ്ഥിരീകരിച്ചു. രോഗം ബാധിച്ചവരിൽ അഞ്ചു പേര് വിദേശത്തു നിന്നും രണ്ട് പേര് ഇതരസംസ്ഥാനത്തു നിന്നും എത്തിയവരാണ്. 74 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. ഇതിൽ സമ്പര്ക്ക ഉറവിടം ലഭ്യമല്ലാത്ത രണ്ട് പേരും ഉള്പ്പെടും. നാല് പേരാണ് ജില്ലയില് രോഗമുക്തി നേടിയത്.
ഉദുമ പഞ്ചായത്തിലാണ് പുതുതായി കൂടുതല് കേസുകള് റിപ്പോര്ട്ട് ചെയ്തത്. 13 പേര്ക്ക് ഉദുമയില് രോഗം കണ്ടെത്തി. മഞ്ചേശ്വരത്തും വോര്ക്കാടിയിലും 11 പേര്ക്ക് വീതം രോഗം സ്ഥിരീകരിച്ചു. കാസര്ഗോഡ് നഗരസഭയില് 9 പേരും കൊവിഡ് പോസറ്റീവായി. ജില്ലയിലിതുവരെ 3215 പേരാണ് വൈറസ് ബാധിതരായത്.
ഇതില് 2422 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. ആകെ 2015 പേര് രോഗമുക്തി നേടി ആശുപത്രിയിൽ നിന്നും വീടുകളിലേക്ക് മടങ്ങി.