തൃശൂർ: എംഎസ്എംഇ വായ്‌പാ പരിധി രണ്ട് കോടിയായി ഉയര്‍ത്തി കേരള ഫിനാന്‍ഷ്യല്‍ കോര്‍പ്പറേഷന്‍. മുഖ്യമന്ത്രിയുടെ സംരംഭകത്വ വികസന പദ്ധതിയുടെ (സിഎംഇഡിപി) ഉയര്‍ന്ന വായ്‌പാ പരിധി വഴിയാണ് 5 ശതമാനം പലിശ നിരക്കിൽ രണ്ടു കോടി രൂപ വരെ വായ്‌പ ലഭിക്കുന്നത്. സംസ്‌ഥാനത്തെ സൂക്ഷ്‌മ ചെറുകിട ഇടത്തര മേഖലാ സംരംഭങ്ങള്‍ക്കാണ് ആനുകൂല്യം ലഭിക്കുക.
ഇക്കഴിഞ്ഞ സംസ്‌ഥാന ബഡ്‌ജറ്റിലെ പ്രഖ്യാപനമാണ് ഈ നടപടിയിലൂടെ യാഥാര്‍ഥ്യമാകുന്നത്. സര്‍ക്കാരിന്റെ 3 ശതമാനവും കെഎഫ്‌സിയുടെ 2 ശതമാനവും സബ്‌സിഡി വഴിയാണ് 5 ശതമാനം പലിശ നിരക്കില്‍ വായ്‌പ നല്‍കുന്നത്. മുഖ്യമന്ത്രിയുടെ സംരംഭകത്വ വികസന പദ്ധതിയില്‍ കോര്‍പ്പറേഷന്‍ ഇതുവരെ 2122 യൂണിറ്റുകള്‍ക്ക് വായ്‌പ നല്‍കിയിട്ടുണ്ടെന്നാണ് കണക്കുകൾ സൂചിപ്പിക്കുന്നത്.
Read Also: ബഫർ സോൺ വിഷയം; വീഴ്‌ച പറ്റിയത് പിണറായി സർക്കാരിനെന്ന് ഉമ്മൻ ചാണ്ടി
