കോഴിക്കോട്: ജില്ലയിലെ മാങ്കാവ് പൊക്കുന്നില് എംഡിഎംഎ (മെത്താലിന് ഡയോക്സി മെത്താ ഫൈറ്റമിന്) മയക്കുമരുന്നുമായി നാല് യുവാക്കള് പിടിയില്. പൊക്കുന്ന് സ്വദേശികളായ മീന് പാലോടിപറമ്പ് റംഷീദ് (20), വെട്ടുകാട്ടില് മുഹമ്മദ് മാലിക്ക് (27) തിരുവണ്ണൂര് സ്വദശി ഫാഹിദ് (29), ചക്കുകടവ് സ്വദേശി മുഹമ്മദ് അന്സാരി (28) എന്നിവരാണ് പിടിയിലായത്. 7.5 ഗ്രാം മയക്കുമരുന്നാണ് ഇവരിൽ നിന്ന് പിടിച്ചെടുത്തത്.
മാങ്കാവ് പൊക്കുന്ന് ഭാഗത്തെ ഒരു വീട്ടില് ലഹരി മരുന്ന് വിൽപനയും ഉപയോഗവും നടക്കുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തില് കസബ എസ്ഐ ശിവപ്രസാദിന്റെ നേതൃത്വത്തിലുള്ള സംഘവും ഡാന്സാഫ് സ്ക്വാഡും ചേര്ന്നു നടത്തിയ പരിശോധനയിലാണ് യുവാക്കള് പിടിയിലായത്.
ഇവര്ക്ക് മയക്കുമരുന്ന് എത്തിച്ചവരെയും ഇത് ഉപയോഗിക്കുന്നവരെയും കുറിച്ച് വ്യക്തമായ വിവരം ലഭിച്ചിട്ടുണ്ട്. ഇവരെ കുറിച്ച് കൂടുതല് അന്വേഷണം നടത്തേണ്ടതുണ്ടെന്നും കസബ സിഐ യു ഷാജഹാന് പറഞ്ഞു.
കസബ സ്റ്റേഷനിലെ എഎസ്ഐ സാജന് പുതിയോട്ടില്, എസ്സിപിഒ മനോജ്, ജി ചന്ദ്രന്, സിപിഒ വിഷ്ണു, ഡാന്സാഫ് സ്ക്വാഡ് അംഗങ്ങള് എഎസ്ഐ മുഹമ്മദ് ഷാഫി, എം സജി, എസ്സിപിഒ കെ അഖിലേഷ്, ജോമോന്, സിപിഒ എം ജിനേഷ് എന്നിവര് റെയ്ഡിൽ പങ്കെടുത്തു.
Most Read: വീട്ടിലെ മീറ്ററില് കൃത്രിമം കാണിച്ച് വൈദ്യുതി മോഷണം; 3.34 ലക്ഷം രൂപ പിഴ