കോഴിക്കോട്: നാദാപുരം കടമേരിയിൽ വീടുകയറി ഗുണ്ടാസംഘം ആക്രമണം നടത്തിയ സംഭവത്തിൽ 8 പേർക്കെതിരെ വധശ്രമത്തിന് കേസെടുത്തതായി പോലീസ് അറിയിച്ചു. നിലവിൽ ഗുണ്ടാ സംഘത്തിലെ കണ്ണൂർ നാറാത്ത് സ്വദേശീ പോലീസ് കസ്റ്റഡിയിലാണ്.
കടമേരിയിലെ പാലോര നസീറിന്റെ വീട്ടിൽ കയറി ആയിരുന്നു ഗുണ്ടാസംഘം വീട്ടുകാരെയും അയൽക്കാരെയും ആക്രമിച്ചത്. ഇന്നലെ രാത്രി ആയിരുന്നു സംഭവം. സാമ്പത്തിക ഇടപാടിനെ ചൊല്ലിയുണ്ടായ തർക്കമാണ് ആക്രമണത്തിന് പിന്നിൽ.
ലഹരിമരുന്ന് കൈവശം വച്ചതിന് നസീറിന്റെ മകൻ നിയാസ് ഒരു മാസം മുൻപ് അറസ്റ്റിലായിരുന്നു. ഇയാൾക്ക് ഗുണ്ടാസംഘത്തിൽ പെട്ട ഒരാൾ 1.4 ലക്ഷം രൂപ നൽകാനുണ്ട്. കഴിഞ്ഞ ദിവസം ഇയാൾ പണം തരാനുള്ളയാളുടെ കാറുമായി കടന്നുകളഞ്ഞു. കാർ വീണ്ടെടുക്കാനായാണ് ഗുണ്ടാസംഘം എത്തിയത്. രണ്ട് വാഹനങ്ങളിലായി 8 പേരടങ്ങുന്ന സംഘമായാണ് അക്രമികൾ എത്തിയത്.
Malabar News: യുവാക്കളെ കേന്ദ്രീകരിച്ച് ലഹരിമരുന്ന് വില്പന; സംഘത്തിലെ പ്രധാന കണ്ണി പിടിയില്