തിരുവനന്തപുരം: കെഎസ്എഫ്ഇയിലെ വിജിലന്‍സ് പരിശോധന സിപിഐഎം ചര്‍ച്ച ചെയ്യും. സംസ്‌ഥാന സെക്രട്ടറി എ വിജയരാഘവന്‍ തലസ്‌ഥാനത്തേക്ക് മടങ്ങിയെത്തിയാല്‍ ഇന്നോ നാളെയോ ചേരുന്ന അവൈലബിള്‍ സെക്രട്ടേറിയറ്റ് വിവാദം ചര്‍ച്ച ചെയ്‌തേക്കുമെന്നാണ് സൂചന. അതുവരെ പരസ്യ പ്രതികരണങ്ങള്‍ ഒഴിവാക്കണമെന്ന് നേതൃതലത്തില്‍ ധാരണയുണ്ട്.
കെഎസ്എഫ്ഇയിലെ വിജിലന്‍സ് പരിശോധന പാര്‍ട്ടിക്ക് തിരിച്ചടി ആയെന്നാണ് സിപിഐഎം വിലയിരുത്തല്‍. കേന്ദ്ര ഏജന്‍സികളുടെ അന്വേഷണത്തില്‍ കുരുങ്ങിക്കിടക്കുന്ന സര്‍ക്കാരിനേയും പാര്‍ട്ടിയേയും കെഎസ്എഫ്ഇയിലെ പരിശോധന കൂടുതല്‍ പ്രതിരോധത്തിലാക്കി. റെയ്‌ഡിനെതിരെ രൂക്ഷ വിമര്‍ശനങ്ങള്‍ ഉന്നയിച്ച് ധനമന്ത്രി തോമസ് ഐസക്കും ആനത്തലവട്ടം ആനന്ദനും രംഗത്ത് വന്നിരുന്നു. എന്നാല്‍ മുഖ്യമന്ത്രി ഈ ആരോപണങ്ങളെയാകെ തള്ളി.
മുഖ്യമന്ത്രിയെ നേരിട്ട് വിമര്‍ശിച്ചില്ലെങ്കിലും വിജിലന്‍സ് പരിശോധനയിലെ അപാകതകള്‍ യോഗത്തില്‍ ചര്‍ച്ചയാകും. തദ്ദേശ തെരഞ്ഞെടുപ്പിന്റെ പശ്‌ചാത്തലത്തില്‍ കൂടുതല്‍ വിവാദങ്ങള്‍ ഒഴിവാക്കി മുന്നോട്ടു പോകണമെന്ന നിലപാടിലാണ് നേതൃത്വം.
Read also: ചെന്നിത്തലക്കെതിരായ ബാർകോഴ ആരോപണം; വിജിലൻസ് അന്വേഷണ അപേക്ഷയിൽ തീരുമാനം ഇന്ന്
