ഇടുക്കി: ജില്ലയിലെ മൂന്നാർ-ദേവികുളം പാതയിൽ വീണ്ടും മണ്ണിടിച്ചിൽ. ബൊട്ടാണിക്കൽ ഗാർഡന് സമീപത്തായാണ് ഇപ്പോൾ മണ്ണിടിച്ചിൽ ഉണ്ടായിരിക്കുന്നത്. ഇതോടെ ഇത് വഴിയുള്ള ഗതാഗതം തടസപ്പെട്ടിരിക്കുകയാണ്. കഴിഞ്ഞ രണ്ടുദിവസത്തിനിടെ ഇത് നാലാമത്തെ തവണയാണ് മേഖലയില് മണ്ണിടിച്ചിലുണ്ടാകുന്നത്.
തുടർച്ചയായി മണ്ണിടിച്ചിൽ ഉണ്ടാകുന്നതോടെ പഴയമൂന്നാര് വഴിയുള്ള ഗതാഗതത്തിന് ജില്ലാ കളക്ടർ നിയന്ത്രണം ഏര്പ്പെടുത്തിയിട്ടുണ്ട്. ഇതിന് പകരമായി കുഞ്ചിത്തണ്ണി, രാജാക്കാട് മേഖലയിലൂടെ ബോഡിമെട്ട് ഭാഗത്തേക്ക് പോകണമെന്ന നിര്ദ്ദേശമാണ് ജില്ലാ ഭരണകൂടം നല്കിയിരിക്കുന്നത്.
നിലവിൽ ജില്ലയില് മൂന്നാറിലടക്കം ശക്തമായ മഴ തുടരുകയാണ്. ഇടവിട്ട് ശക്തമായി മഴ പെയ്യുകയാണ്. അടിമാലി-കുമളി പാതയില് കല്ലാര്കുട്ടിക്ക് സമീപവും മണ്ണിടിഞ്ഞ് ഗതാഗത തടസം ഉണ്ടായിട്ടുണ്ട്.
Read also: കുട്ടികൾക്ക് മുന്നിൽ നഗ്നതാ പ്രദർശനം; നടൻ ശ്രീജിത്ത് രവി റിമാൻഡിൽ