കൊച്ചി: സൂക്ഷ്‌മ, ചെറുകിട, ഇടത്തരം (എംഎസ്എംഇ) സംരംഭങ്ങൾക്ക് 30 മിനിറ്റിനുള്ളിൽ വായ്‌പ അനുവദിക്കുന്ന പോർട്ടൽ അവതരിപ്പിച്ച് ഫെഡറൽ ബാങ്ക്. ഫെഡറൽ ഇൻസ്‌റ്റാലോൺ ഡോട് കോം എന്ന പേരിലുള്ള പോർട്ടലിൽ ആദായ നികുതി റിട്ടേണുകൾ, ബാങ്ക് അക്കൗണ്ട് സ്‌റ്റേറ്റ്‌മെന്റ്, ജിഎസ്‌ടി വിശദാംശങ്ങളുടെ ഓൺലൈൻ വെരിഫിക്കേഷൻ എന്നിവ അപ്‌ലോഡ് ചെയ്യുന്നതിലൂടെ 30 മിനിറ്റിനുള്ളിൽ ഡിജിറ്റലായി വായ്‌പ ലഭ്യമാകും.
50 ലക്ഷം രൂപ വരെയാണ് പോർട്ടൽ മുഖാന്തരം നൽകാൻ കഴിയുന്ന പരമാവധി വായ്‌പ. ഏറെ സങ്കീർണമായ സ്‌മാർട് അനലിറ്റിക്‌സ് സംവിധാനമാണ് ഈ പ്ളാറ്റ്‌ഫോമിൽ ഉപയോഗിക്കുന്നത്. യോജ്യമായ വായ്‌പ പദ്ധതി തിരഞ്ഞെടുത്ത് ആവശ്യമായ രേഖകൾ സമർപ്പിച്ചു കഴിഞ്ഞാൽ അർഹമായ തുകയ്‌ക്കുള്ള ഓഫർ ലെറ്റർ ലഭ്യമാകും. ഉപഭോക്‌താക്കൾക്ക്‌ ബാങ്ക് ശാഖകൾ സന്ദർശിക്കാതെ തന്നെ വീടുകളിൽ ഇരുന്ന് ആവശ്യമായ ഇടപാടുകൾ നടത്താനാണ് ഇതിലൂടെ ലക്ഷ്യമിടുന്നത്.
Read Also: പ്രധാനമന്ത്രിയുടെ സുരക്ഷാ വീഴ്‌ച; പഞ്ചാബ് സർക്കാരിനെതിരെ സ്‌മൃതി ഇറാനി
