കോഴിക്കോട്: ലോക്ക്ഡൗണിൽ ഇളവ് നൽകിയ ആദ്യദിനംതന്നെ വടകര നഗരത്തിലുൾപ്പടെ വൻ ജനത്തിരക്ക്. തിങ്കളാഴ്ച രാവിലെ മുതൽ തന്നെ വടകര ടൗണിലേക്ക് വാഹനങ്ങളുടെ ഒഴുക്കായിരുന്നു. നഗരത്തിലെ പ്രധാനപ്പെട്ട റോഡരികുകളിൽ എല്ലാം വളരെ വേഗത്തിലാണ് വാഹനങ്ങൾ നിറഞ്ഞത്.
വസ്ത്ര സ്ഥാപനങ്ങൾ, ചെരിപ്പുകടകൾ, നോട്ട്ബുക്കുകളും മറ്റും വിൽക്കുന്ന കടകൾ, ബാങ്കുകൾ എന്നിവിടങ്ങളിലെല്ലാം ആണ് തിരക്ക് അനുഭവപ്പെട്ടത്. പൊതുഗതാഗതം ഇല്ലാത്തതിനാൽ സ്വകാര്യ വാഹനങ്ങളിൽ ആയിരുന്നു ഏറിയപങ്കും നഗരത്തിലേക്കെത്തിയത്.
കുറേക്കാലമായി അടക്കിവെച്ച ആവശ്യങ്ങളെല്ലാം ഇളവ് കിട്ടിയ ഉടൻ നിവർത്തിക്കാൻ എത്തിയവരായിരുന്നു ഏറെയും. ഇതിനിടയിൽത്തന്നെ പോലീസിന്റെ വാഹന പരിശോധനയും തുടർന്നു. ആവശ്യമായ രേഖകളും മറ്റും ഉള്ളവരെയാണ് പോലീസ് കടത്തി വിടുന്നത്.
Malabar News: പാട്ടും വരയുമായി കുട്ടികൾ റെഡി; കൂട്ടക്കനിയിൽ ഒരാഴ്ച പ്രവേശനോൽസവം