തിരുവനന്തപുരം: സംസ്ഥാനത്ത് ഏര്പ്പെടുത്തിയ ലോക്ക്ഡൗണില് ടെക്സ്റ്റൈല്സുകള്ക്കും ജ്വല്ലറികള്ക്കും ചെറിയ ഇളുവുകള് പ്രഖ്യാപിച്ച് ഉത്തരവിറക്കി. ആഭരണങ്ങളും വസ്ത്രങ്ങളും ഓണ്ലൈന്/ഹോം ഡെലിവറികള് നടത്തുന്നതിന് നിശ്ചിത ജീവനക്കാരെ വെച്ച് തുറക്കാമെന്ന് ചീഫ് സെക്രട്ടറി പുറത്തിറക്കിയ ഉത്തരവില് പറയുന്നു.
വിവാഹ പാര്ട്ടിക്കാര്ക്ക് ഒരു മണിക്കൂര് വരെ ഷോപ്പില് ചിലവഴിക്കാനും അനുമതിയുണ്ട്. നിലവിലെ സാഹചര്യങ്ങള് പരിഗണിച്ച് മൽസ്യ തൊഴിലാളികള്ക്ക് കിറ്റുകള് വിതരണം ചെയ്യാം. ടെലികോം സേവനവുമായി ബന്ധപ്പെട്ട അവശ്യ സേവനങ്ങള്ക്കും ടവറുകളുമായി ബന്ധപ്പെട്ട പ്രവര്ത്തനങ്ങള് നടത്തുന്നതിനും ഇതൊടൊപ്പം അനുമതി നല്കിയിട്ടുണ്ട്.