മലപ്പുറം: ജനാധിപത്യത്തെ സ്വതന്ത്രമാക്കുക എന്ന പ്രമേയത്തിൽ ഓഗസ്‌റ്റ് 15 ഞായറാഴ്‌ച രാത്രി 7.30ന് നടക്കുന്ന ദേശവിചാരത്തിന്റെ ഒരുക്കങ്ങൾ പൂർത്തിയായി.
ദേശവിചാരത്തിന്റെ പ്രചരണഭാഗമായി യൂണിറ്റ്, സർക്കിൾ, സോൺ ഘടകങ്ങളിൽ വിവിധ പദ്ധതികൾ നടന്ന് വരുന്നു. രാജ്യത്തിന്റെ 75ആമത് സ്വാതന്ത്ര്യ ദിനാഘോഷ പരിപാടികളുടെ ഭാഗമായി മലബാറിന്റെ പോരാട്ട ചരിത്രങ്ങളെ ഉൾകൊള്ളിച്ച് തയ്യാറാക്കിയ കാവ്യശിൽപം ‘പോരാട്ടപാട്ട്‘ പുതുമ തീർക്കും. ഉമൈർ ബുഖാരി, ശാഹുൽ ഹമീദ് ഐകരപ്പടി, അജ്‌മൽ പടപ്പറമ്പ്, ശമീം കാന്തപുരം എന്നിവർ പോരാട്ടപാട്ടിന് നേതൃത്വം നൽകും.
എസ്‌വൈഎസ്‍ സംസ്‌ഥാന ജനറൽ സെക്രട്ടറി എപി അബ്‌ദുൽ ഹക്കീം അസ്ഹരി ദേശവിചാരം ഉൽഘാടനം ചെയ്യും. പ്രമുഖ മാധ്യമ പ്രവർത്തകരായ അഭിലാഷ് മോഹനൻ, ഡോക്‌ടർ കെഎം അനിൽ എന്നിവർ സാംസ്‌കാരിക സംവാദത്തിൽ പങ്കെടുക്കും. മുസ്‌തഫ പി എറായ്‌ക്കൽ ദേശവിചാരം നിയന്ത്രിക്കും.
മഞ്ചേരി യൂത്ത് സ്‌ക്വയറിൽ ചേർന്ന സംഘാടകയോഗം ഒരുക്കങ്ങൾ വിലയിരുത്തി. ജില്ലാ പ്രസിഡണ്ട് സികെ ഹസൈനാർ സഖാഫി കുട്ടശ്ശേരി അധ്യക്ഷത വഹിച്ചു. ജനറൽ സെക്രട്ടറി വിപിഎം ഇസ്‌ഹാഖ്‌, ജില്ലാ ഭാരവാഹികളായ അബ്‌ദുൽ റഹീം കരുവള്ളി, സയ്യിദ് ശിഹാബുദ്ദീൻ അഹ്‌സനി, മുഈനുദ്ദീൻ സഖാഫി വെട്ടത്തൂർ, സയ്യിദ് മുർതളാ ശിഹാബ് സഖാഫി, സിദ്ദീഖ് സഖാഫി വഴിക്കടവ്, സികെ ശക്കീർ അരിമ്പ്ര, മുജീബ് റഹ്‌മാൻ വടക്കേമണ്ണ, യൂസുഫ് സഅദി പൂങ്ങോട്, പികെ മുഹമ്മദ് ഷാഫി എന്നിവർ ചർച്ചയിൽ പങ്കെടുത്തു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
