തിരുവനന്തപുരം: വനിത ഡോക്ടർ നൽകിയ പീഡന പരാതിയെ തുടർന്ന് മലയിൻകീഴ് സിഐക്കെതിരെ നടപടി സ്വീകരിച്ചു. മലയിൻകീഴ് സിഐ എവി സൈജുവിനെ സ്റ്റേഷനിൽ നിന്നും മാറ്റി. പോലീസ് ആസ്ഥാനത്തേക്കാണ് സൈജുവിനെ സ്ഥലം മാറ്റിയത്.
വിവാഹ വാഗ്ദാനം നൽകി സൈജു തന്നെ പീഡിപ്പിച്ചുവെന്നാണ് വനിത ഡോക്ടർ നൽകിയ പരാതി. ഇതിന്റെ അടിസ്ഥാനത്തിൽ സൈജുവിനെതിരെ ഇന്നലെ തന്നെ കേസ് രജിസ്റ്റർ ചെയ്തു. കൂടാതെ കേസ് റൂറൽ ജില്ലാ ക്രൈം ബ്രാഞ്ച് അന്വേഷിക്കുമെന്നും അധികൃതർ വ്യക്തമാക്കി. പരാതി വന്നതിന് പിന്നാലെ അവധിയിൽ പ്രവേശിച്ചിരിക്കുകയാണ് പോലീസ് ഓഫീസേഴ്സ് റൂറൽ പ്രസിഡണ്ട് കൂടിയായ സൈജു.
കുടുംബ സംബന്ധമായ പ്രശ്നത്തിൽ പരാതി നൽകാനായി എത്തിയപ്പോഴാണ് സിഐയുമായി ഡോക്ടർ പരിചയത്തിലാകുന്നത്. പിന്നീട് ഒരു ശസ്ത്രക്രിയ കഴിഞ്ഞ് വീട്ടിൽ വിശ്രമിക്കവേ സൈജു ബലപ്രയോഗത്തിലൂടെ പീഡിപ്പിച്ചെന്നാണ് യുവതി പരാതിയിൽ വ്യക്തമാക്കുന്നത്.
Read also: തെലുങ്ക് നടി ഗായത്രി കാറപകടത്തിൽ മരണപ്പെട്ടു