മഞ്ചേരി: ഒന്നര ലക്ഷം രൂപ വിലവരുന്ന മയക്കുമരുന്നുമായി യുവാവിനെ മഞ്ചേരി പോലീസ് അറസ്‌റ്റ്‌ ചെയ്‌തു. കോഴിക്കോട് ജില്ലയിലെ മുക്കം പുളിക്കൽ വീട്ടിൽ ജെസിൻ ഇഷാർ (21) ആണ് അറസ്‌റ്റിലായത്‌. മഞ്ചേരി സിഐ സി അലവിയുടെ നേതൃത്വത്തിലുള്ള സംഘമാണ് ഇയാളെ അറസ്‌റ്റ്‌ ചെയ്‌തത്‌.
എംഡിഎംഎ എന്ന മാരക ലഹരിമരുന്നിന്റെ 40 ഗ്രാം പാക്കറ്റ് പ്രതിയിൽ നിന്ന് പിടിച്ചെടുത്തു. കോഴിക്കോട്, മലപ്പുറം ജില്ലകളിൽ ലഹരിമരുന്ന് കലർന്ന പൗഡർ ഇയാൾ വിൽപന നടത്താറുണ്ടായിരുന്നു എന്ന് പോലീസ് വ്യക്‌തമാക്കി. ഇന്നലെ രാവിലെ മഞ്ചേരി ഐജിബിടി ബസ് സ്‌റ്റാൻഡിൽ സംശയകരമായ സാഹചര്യത്തിലാണ് ഇയാളെ പിടികൂടിയത്.
Also Read: തീരത്തെ വീടുകൾ പൊളിക്കേണ്ടതില്ല; ഉത്തരവ് പിൻവലിച്ച് ലക്ഷദ്വീപ് ഭരണകൂടം
