നാദാപുരം: സുരക്ഷാ പ്രശ്‌നങ്ങൾ നിലനിൽക്കുന്ന മേഖലകളിൽ തിരഞ്ഞെടുപ്പ് പ്രഖ്യാപനത്തിന് പിന്നാലെ പോലീസ് പരിശോധന നടത്തി. പോളിംഗ് ബൂത്തുകളായ വിലങ്ങാട് സെന്റ് ജോർജ് ഹൈസ്‌കൂൾ, ഗവ.വെൽഫെയർ സ്‌കൂൾ അഭയഗിരി, ഇന്ദിരാനഗർ വില്ലേജ് ഓഫീസ് എന്നിവിടങ്ങളിൽ മാവോയിസ്റ്റ് ഭീഷണി നിലനിൽക്കുന്നുണ്ട്. ഇവിടങ്ങളിൽ സബ് ഡിവിഷണൽ ഡിവൈഎസ്‌പി പിഎ ശിവദാസ്, വളയം ഇൻസ്‌പെക്‌ടർ പിആർ മനോജ് എന്നിവരുടെ നേതൃത്വത്തിലാണ് പരിശോധന നടന്നത്.
രഹസ്യാന്വേഷണ റിപ്പോർട്ടുകളുടെ അടിസ്‌ഥാനത്തിൽ പ്രാഥമിക സന്ദർശനമാണ് നടത്തിയത് ബൂത്തുകളുടെ നിലവിലുള്ള സാഹചര്യവും സുരക്ഷാ കാര്യങ്ങളും വിലയിരുത്തി റൂറൽ എസ്‌പിക്ക് റിപ്പോർട് സമർപ്പിക്കും. രാഷ്‌ട്രീയ സംഘർഷ മേഖലകളിലും അതീവ സുരക്ഷ ഒരുക്കുന്നതിന് പോലീസ് മുൻഗണന നൽകും.
Also Read: ആഴക്കടൽ വിവാദം; എംഒയു ഒപ്പ് വെപ്പിച്ചത് ചെന്നിത്തല; ഗുരുതര ആരോപണം
