കോഴിക്കോട്: മാവൂര് ഗ്രാമപഞ്ചായത്തിലെ പൈപ്പ് ലൈന് റോഡിനായി 42 ലക്ഷം രൂപ അനുവദിച്ചു. പിടിഎ റഹീം എംഎല്എയാണ് ഭരണാനുമതി കിട്ടിയതായി അറിയിച്ചത്. മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയില് ഉള്പ്പെടുത്തി ആദ്യം ഈ റോഡിന് 20 ലക്ഷം രൂപയാണ് അനുവദിച്ചിരുന്നു. പ്രവൃത്തി പൂര്ത്തീകരിക്കുന്നതിന് കൂടുതല് തുക ആവശ്യമായതോടെ തുക 42 ലക്ഷമായി ഉയര്ത്തുകയായിരുന്നു.
Malabar News: തൃശൂരില് ഇന്ന് 921 പേര്ക്ക് രോഗമുക്തി; 856 പുതിയ രോഗികള്
കേരള വാട്ടര് അതോറിറ്റിയുടെ കൈവശത്തിലുള്ള റോഡിന്റെ ശോചനീയാവസ്ഥ പരിഹരിക്കണമെന്ന് ചൂണ്ടിക്കാട്ടി പ്രദേശവാസികള് നല്കിയ നിവേദനം കൂടി പരിഗണിച്ചാണ് നിലവില് തുക ഉയര്ത്തിയിരിക്കുന്നത്. പ്രളയ ദുരിതാശ്വാസ പ്രവൃത്തികളില് ഉള്പ്പെടുത്തി ഇടക്കാലത്ത് ഈ റോഡിന് തുക അനുവദിച്ചിരുന്നു. എന്നാല് തദ്ദേശ സ്വയംഭരണ സ്ഥാപനത്തിന്റെ ഉടമസ്ഥതയിലുള്ള റോഡല്ലെന്നതിനാല് അനുമതി ലഭിക്കുകയുണ്ടായില്ല. ഇപ്പോള് അനുവദിച്ച തുക പ്രയോജനപ്പെടുത്തി റോഡിന്റെ പ്രവൃത്തി പൂര്ത്തീകരിക്കാന് നിര്ദ്ദേശം നല്കിയതായി എംഎല്എ അറിയിച്ചു.