മലപ്പുറം: ദേശീയ ന്യൂനപക്ഷ കമ്മീഷൻ അധ്യക്ഷനായി ക്രിസ്ത്യൻ സമുദായ അംഗം വേണമെന്ന് ബിജെപി ദേശീയ അദ്ധ്യക്ഷൻ ജെപി നഡ്ഡയോട് താമരശേരി ബിഷപ്പ് റെമിജിയോസ് ഇഞ്ചനാനിയേൽ. കൃഷി നശിപ്പിക്കുന്ന വന്യമൃഗങ്ങളെ ക്ഷുദ്രജീവികളായി പ്രഖ്യാപിക്കണമെന്നും ബിഷപ്പ് ആവശ്യപ്പെട്ടു.
വരാനിരിക്കുന്ന തിരഞ്ഞെടുപ്പുകളുടെ പശ്‌ചാത്തലത്തിൽ ബിജെപി ദേശീയ നേതാക്കളുടെ സംസ്‌ഥാനതല സന്ദർശനങ്ങളുടെ ഭാഗമായാണ് നഡ്ഡ കേരളത്തിൽ എത്തിയത്. അതിനാൽത്തന്നെ ഈ കൂടിക്കാഴ്‌ചക്ക് രാഷ്‌ട്രീയ പ്രാധാന്യം ഏറെയാണ്.
അതേസമയം ജെപി നഡ്ഡയുമായുള്ള കൂടിക്കാഴ്‌ചക്ക് പിസി ജോർജ് അവസരം തേടിയിരുന്നു എങ്കിലും ഇത് സംബന്ധിച്ച മറ്റ് വിശദാംശങ്ങൾ ലഭ്യമായിട്ടില്ല. വൈകിട്ട് കോഴിക്കോട് കടപ്പുറത്ത് സംഘടിപ്പിക്കുന്ന ബിജെപി റാലിയിലും ബിജെപി സംസ്‌ഥാന അദ്ധ്യക്ഷൻ കെ സുരേന്ദ്രന്റെ മകൻ ഹരികൃഷ്‌ണന്റെ വിവാഹച്ചടങ്ങിലും ദേശീയ അധ്യക്ഷൻ പങ്കെടുക്കും.
Read also: പഞ്ചാബ് പോലീസ് അറസ്‌റ്റ്‌ ചെയ്‌ത ബിജെപി നേതാവിനെ മോചിപ്പിച്ചു; നാടകീയം
