കണ്ണൂർ: തിങ്കളാഴ്‌ച ജില്ലയിൽ മൊബൈൽ ലാബ് സംവിധാനം ഉപയോഗിച്ച് സൗജന്യ കോവിഡ് ആർടിപിസിആർ പരിശോധന നടത്തും. ശിവപുരം ഗവ. എൽപി സ്‌കൂൾ, മുഴപ്പിലങ്ങാട് യുപി സ്‌കൂൾ, പെരിങ്ങോം ഉമ്മറപ്പൊയിൽ സിഎഫ്എൽടിസി, ചൊതാവൂർ ഹൈസ്‌കൂൾ പന്ന്യന്നൂർ, പഞ്ചായത്ത് കമ്യൂണിറ്റി ഹാൾ കാർത്തികപുരം എന്നിവിടങ്ങളിലാണ് സൗജന്യ കോവിഡ് പരിശോധന നടക്കുന്നത്.
പ്രവർത്തന സമയം രാവിലെ 10 മുതൽ വൈകീട്ട് 4 വരെയാണ്. അംഗീകൃത തിരിച്ചറിയൽ രേഖയുമായി ചെന്നാണ് പരിശോധന നടത്തേണ്ടത്. കോവിഡ് വ്യാപനം രൂക്ഷമായ സാഹചര്യത്തിലാണ് ജില്ലയിലെ വിവിധ ഭാഗങ്ങളിൽ മൊബൈൽ പരിശോധനാ യൂണിറ്റ് സഞ്ചരിച്ച് സൗജന്യ പരിശോധന നടത്താൻ ആരംഭിച്ചത്. കോവിഡ് മാനദണ്ഡങ്ങൾ പാലിച്ചുകൊണ്ട് വേണം പരിശോധനക്ക് എത്താൻ.
Read Also: 1,75,125 ഇ-പാസ് അപേക്ഷകൾ; അനുമതി നൽകിയത് 15,761 അപേക്ഷകൾക്ക്
