കോഴിക്കോട്: നിപ ഭീതിയിൽ സംസ്ഥാനത്ത് കൂടുതൽ ആശ്വാസം. നിപ ബാധിച്ചു മരിച്ച കുട്ടിയുടെ സമ്പർക്ക പട്ടികയിൽ ഉണ്ടായിരുന്ന 15 പേരുടെ പരിശോധന ഫലം കൂടി നെഗറ്റീവ് ആയി. കഴിഞ്ഞ ദിവസങ്ങളിൽ ശേഖരിച്ച സാംപിളുകളാണ് നെഗറ്റീവായത്. ഇതോടെ സമ്പർക്കപ്പട്ടികയിൽ ഉണ്ടായിരുന്ന 61 പേരുടെ ഫലമാണ് നെഗറ്റീവ് ആയത്.
അതേസമയം സമ്പർക്കപ്പട്ടികയിൽ ഉള്ള കൂടുതൽ ആളുകളുടെ സാംപിളുകൾ ഇന്ന് പരിശോധനക്ക് വിധേയമാക്കും. നിലവിൽ കോഴിക്കോട് മെഡിക്കൽ കോളേജിൽ നിരീക്ഷണത്തിൽ കഴിയുന്നവരുടെ എണ്ണം 64 ആണ്. കൂടാതെ സമ്പർക്കപ്പട്ടികയിൽ ഉള്ളവരിൽ ഇതുവരെ രോഗബാധ ഉണ്ടാകാത്തത് ആശ്വാസം പകരുന്ന കാര്യമാണ്.
അതേസമയം മരിച്ച കുട്ടിയുടെ സമ്പർക്കപ്പട്ടികയിൽ ഉള്ളവരുടെ എണ്ണം 265 ആയി. നിലവിൽ പരിശോധന ഫലം നെഗറ്റീവ് ആയവരെ മൂന്ന് ദിവസം കൂടി മെഡിക്കൽ കോളജ് ആശുപത്രിയിൽ തന്നെ നിരീക്ഷണത്തിൽ ഇരുത്തുമെന്നും അധികൃതർ വ്യക്തമാക്കി.
Read also: ജയിൽ ചാടിയ തടവുകാരുടെ കുടുംബങ്ങൾ അറസ്റ്റിൽ; ഇസ്രയേലിന്റെ സമ്മർദ്ദ തന്ത്രം