പത്തനംതിട്ട : മണ്ഡലകാല ദര്‍ശനത്തിനായി ശബരിമലയില്‍ കൂടുതല്‍ ഭക്‌തരെ പ്രവേശിപ്പിക്കുന്നത് ആദ്യ ദിവസങ്ങളിലെ സ്‌ഥിതിഗതികള്‍ വിലയിരുത്തിയ ശേഷം മാത്രമായിരിക്കുമെന്ന് ദേവസ്വം മന്ത്രി കടകംപള്ളി സുരേന്ദ്രന്‍. മണ്ഡലകാല പൂജകള്‍ക്കായി ഇന്നലെ നട തുറന്ന ശബരിമലയില്‍ ഇന്ന് മുതലാണ് ഭക്‌തരെ പ്രവേശിപ്പിച്ചത്. കോവിഡ് വ്യാപനം നിലനില്‍ക്കുന്ന സാഹചര്യത്തില്‍ പൂര്‍ണമായും മാനദണ്ഡങ്ങള്‍ പാലിച്ചുകൊണ്ട് മാത്രമേ ഭക്‌തരെ പ്രവേശിപ്പിക്കുകയുള്ളൂ.
ശബരിമലയെ സര്‍ക്കാര്‍ ഒരു ടൂറിസ്‌റ്റ് കേന്ദ്രമാക്കാന്‍ ശ്രമിക്കുന്നുവെന്ന് കുമ്മനം രാജശേഖരന്‍ ആരോപിച്ചിരുന്നു. ഇത് തികച്ചും വിലകുറഞ്ഞ ആരോപണമാണെന്നും, ശബരിമലയെ തകര്‍ക്കാനുള്ള ശ്രമമാണ് ഇതിലൂടെ നടത്തുന്നതെന്നും മന്ത്രി വ്യക്‌തമാക്കി. കോവിഡ് വ്യാപനം രൂക്ഷമായി നിലനില്‍ക്കുന്ന സാഹചര്യത്തില്‍ സാധാരണ ദിവസങ്ങളില്‍ 1000 പേര്‍ക്കും, വാരാന്ത്യങ്ങളില്‍ 2000 പേര്‍ക്കും, വിശേഷ ദിവസങ്ങളില്‍ 5000 പേര്‍ക്കുമാണ് ദര്‍ശനത്തിന് അനുമതി നല്‍കുന്നത്.
Read also : മാപ്പ് സാക്ഷിയെ ഭീഷണിപ്പെടുത്തിയ സംഭവം; അന്വേഷണം ഗണേഷ് കുമാറിലേക്ക്; സെക്രട്ടറിയെ ചോദ്യം ചെയ്യും
