എറണാകുളം: ജില്ലയിൽ ടെസ്റ്റ് പോസിറ്റിവിറ്റി നിരക്ക് 40 ശതമാനത്തില് കൂടുതലുള്ള 23 പഞ്ചായത്തുകളില് നിയന്ത്രണങ്ങള് ശക്തമാക്കി. ഇവിടെ 24 മണിക്കൂറും പ്രവര്ത്തിക്കുന്ന കണ്ട്രോള് റൂമുകള് നിര്ബന്ധമാക്കി. ആരെയും അനാവശ്യമായി പുറത്തിറങ്ങാന് അനുവദിക്കില്ല. നിയന്ത്രണങ്ങൾ ലംഘിച്ചാൽ കര്ശന നടപടി സ്വീകരിക്കാന് പൊലീസിന് നിര്ദ്ദേശം നല്കി. ആംബുലന്സുകളുടെ സേവനം പഞ്ചായത്തുകളില് ഉറപ്പാക്കിയിട്ടുണ്ട്.
ചൂര്ണ്ണിക്കര, ചെല്ലാനം, കടുങ്ങല്ലൂര്, കുമ്പളങ്ങി, മുളവുകാട്, കടമക്കുടി, ഏഴിക്കര, വെങ്ങോല, വരാപ്പുഴ, കോട്ടുവള്ളി, ആലങ്ങാട്, എളങ്കുന്നപ്പുഴ , ഉദയംപേരൂര്, കീഴ്മാട്, ഒക്കല്, നായരമ്പലം, ശ്രീ മൂലനഗരം, ചേരാനല്ലൂര്, കോട്ടപ്പടി, എടത്തല, ഞാറക്കല്, കുട്ടമ്പുഴ, കരുമാല്ലൂര് എന്നീ പഞ്ചായത്തുകളിലാണ് ലോക്ക്ഡൗണ് നിയന്ത്രണങ്ങൾ കടുപ്പിച്ചത്.
Read also: ടിപിആർ 40ന് മുകളിൽ; 31 തദ്ദേശ സ്വയംഭരണ സ്ഥാപനങ്ങൾ നാളെ മുതൽ അടച്ചിടും