തിരുവനന്തപുരം: അമ്മയും മകളും ഷോക്കേറ്റ് മരിച്ച നിലയിൽ. തിരുവനന്തപുരം തിരുവല്ലം സ്വദേശി ഹേന, മകൾ നീതു എന്നിവരെയാണ് മരിച്ച നിലയിൽ കണ്ടത്. ഷോക്കേറ്റ നീതുവിന്റെ മക്കളെ രക്ഷിക്കുന്നതിനിടയിലാണ് ഇരുവരും മരിച്ചത്.
നീതുവിന്റെ മകന്‍ പ്രണവിനാണ് ആദ്യം ഷോക്കേറ്റത്. ഇതുകണ്ട സഹോദരന്‍ പ്രയാഗ്, പ്രണവിനെ എടുത്തുമാറ്റാന്‍ ശ്രമിക്കവെ രണ്ടു പേര്‍ക്കും ഷോക്കേറ്റു. തുടര്‍ന്ന് കുട്ടികളുടെ നിലവിളി കേട്ടെത്തിയ നീതുവും എര്‍ത്ത് കമ്പിയില്‍ പിടിക്കവെ ഷോക്കേറ്റ് വീണു. മകളെ രക്ഷിക്കാന്‍ ശ്രമിച്ച നീതുവിന്റെ അമ്മ ഹേനയ്‌ക്കും ഷോക്കേറ്റു. ഹേനയും നീതുവും മരിക്കുകയും കുട്ടികള്‍ അസാധാരണമാം വിധം രക്ഷപ്പെടുകയും ചെയ്‌തു.
Also Read: റാസൽഖൈമയിൽ എത്തുന്ന ഇന്ത്യക്കാർക്ക് 10 ദിവസത്തെ ക്വാറന്റെയ്ൻ
