പ്രേക്ഷകരെ ഞെട്ടിക്കാൻ ‘മുറ’യുമായി മുഹമ്മദ് മുസ്‌തഫ; റിലീസ് തീയതി പുറത്തുവിട്ടു
കപ്പേളക്ക് കിട്ടിയ പ്രേക്ഷക പ്രശംസയും അംഗീകാരങ്ങൾക്കും ശേഷം മുസ്‌തഫ ഒരുക്കുന്ന 'മുറ' ഒരു വിഷ്വൽ ട്രീറ്റ് തന്നെ ആയിരിക്കുമെന്ന് പ്രേക്ഷകർക്ക് ഉറപ്പിക്കാം. ചിത്രം അടുത്തമാസം 18ന് ആണ് തിയേറ്ററുകളിലെത്തുന്നത്.
പ്രേക്ഷക പ്രശംസയും നിരൂപക പ്രശംസയും ഏറ്റുവാങ്ങിയ ‘കപ്പേള’ എന്ന ചിത്രത്തിന് ശേഷം മുഹമ്മദ് മുസ്‌തഫ സംവിധാനം ചെയ്യുന്ന പുതിയ സിനിമ ‘മുറ’യുടെ റിലീസ് തീയതി പുറത്തുവിട്ട് അണിയറ പ്രവർത്തകർ. ചിത്രം അടുത്തമാസം 18ന് തിയേറ്ററുകളിലെത്തും. മുറയുടെ ടീസർ ഇതിനോടകം തന്നെ സോഷ്യൽ മീഡിയകളിൽ തരംഗമായി മാറിയിരുന്നു.
സുരാജ് വെഞ്ഞാറമൂടും യുവനടൻ ഹൃദു ഹാറൂണുമാണ് സിനിമയിൽ കേന്ദ്ര കഥാപാത്രങ്ങളെ അവതരിപ്പിക്കുന്നത്. മാലാ പാർവതി, കനി കുസൃതി, കണ്ണൻ നായർ, ജോബിൻ ദാസ്, അനുജിത് കണ്ണൻ, യെദു എന്നിവരാണ് മറ്റു പ്രധാന അഭിനേതാക്കൾ. ഉപ്പും മുളകും ഫെയിം സുരേഷ് ബാബുവാണ് മുറയുടെ രചന നിർവഹിച്ചിരിക്കുന്നത്.
ക്യാൻ ഫിലിം ഫെസ്‌റ്റിവലിൽ പുരസ്‌കാരം കരസ്‌ഥമാക്കിയ ‘ഓൾ വീ ഇമാജിൻ ആസ് ലൈറ്റ്’ എന്ന ചിത്രത്തിന് ശേഷം ഹൃദു അഭിനയിക്കുന്ന ചിത്രം കൂടിയാണ് മുറ. ചിത്രത്തിന്റെ ടീസർ നേരത്തെ പുറത്തുവിട്ടിരുന്നു. തലസ്‌ഥാന നഗരിയുടെ പശ്‌ചാത്തലത്തിൽ കഥ പറയുന്ന ചിത്രത്തിന്റെ ടീസർ ആക്ഷൻ രംഗങ്ങളാൽ സമ്പന്നമാണ്.
കപ്പേളക്ക് കിട്ടിയ പ്രേക്ഷക പ്രശംസയും അംഗീകാരങ്ങൾക്കും ശേഷം മുസ്‌തഫ ഒരുക്കുന്ന മുറ ഒരു വിഷ്വൽ ട്രീറ്റ് തന്നെ ആയിരിക്കും. റിയാ ഷിബു, എച്ച്ആർ പിക്‌ചേഴ്‌സ് എന്നിവർ ചേർന്നാണ് നിർമാണം. എക്‌സിക്യൂട്ടീവ് പ്രൊഡ്യൂസർ- റോണി സക്കറിയ, ഛായാഗ്രഹണം- ഫാസിൽ നാസർ, എഡിറ്റിങ്- ചമൻ ചാക്കോ, സംഗീത സംവിധാനം- ക്രിസ്‌റ്റി ജോബി, കലാസംവിധാനം- ശ്രീനു കല്ലേലിൽ, മേക്കപ്പ്- റോണക്‌സ് സേവ്യർ, വസ്‌ത്രാലങ്കാരം- നിസാർ റഹ്‌മത്ത്, പ്രൊഡക്ഷൻ കൺട്രോളർ- ജിത്ത് പിരപ്പൻകോട്, പിആർഒ- പ്രതീഷ് ശേഖർ തുടങ്ങിയവരാണ് സിനിമയുടെ മറ്റു അണിയറ പ്രവർത്തകർ.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
