പുതിയ നേതൃത്വം വേണം; പീതാംബരൻ മാസ്‌റ്ററെ മാറ്റാൻ എൻസിപിയിൽ നീക്കം

By Staff Reporter, Malabar News
tp peethamabaran master
ടിപി പീതാംബരൻ മാസ്‌റ്റർ

തിരുവനന്തപുരം: ടിപി പീതാംബരൻ മാസ്‌റ്ററെ സംസ്‌ഥാന പ്രസിഡണ്ട് സ്‌ഥാനത്തുനിന്ന് മാറ്റാനുള്ള നീക്കങ്ങൾ എൻസിപിയിൽ ശക്‌തമായി. സംസ്‌ഥാന കമ്മിറ്റിയിൽ അദ്ദേഹത്തെ അനുകൂലിച്ചിരുന്നവർ യുഡിഎഫിലേക്കുപോയ സാഹചര്യത്തിൽ പാർട്ടിക്ക് പുതിയ നേതൃത്വം ഉണ്ടാവണമെന്ന ആവശ്യം ഉയരുകയാണ്.

എൻസിപി സംസ്‌ഥാന ഭാരവാഹിയോഗത്തിൽ ഈ ആവശ്യം ഉന്നയിക്കും. ഫെബ്രുവരി 22ന് കൊച്ചിയിലാണ് യോഗം നടക്കുക. നിയമസഭാ തിരഞ്ഞെടുപ്പിനുമുമ്പ് തന്നെ പാർട്ടിനേതൃത്വത്തിൽ ഉടച്ചുവാർക്കൽ വേണമെന്ന ആവശ്യവും ഉയരുന്നുണ്ട്.

കൂടാതെ സംസ്‌ഥാന പ്രസിഡണ്ടിന്റെ, പാർട്ടി വിട്ടവരെ ന്യായീകരിക്കുന്ന നിലപാടിലും നേതാക്കൾക്ക് അതൃപ്‌തിയുണ്ട്. പാലാ വിഷയത്തിൽ ഇടഞ്ഞു യുഡിഎഫിലേക്ക് ചേക്കേറിയ മാണി സി കാപ്പനെതിരേ മന്ത്രി എകെ ശശീന്ദ്രൻ ശക്‌തമായി പ്രതികരിക്കുമ്പോഴും അവരെ ന്യായീകരിക്കുന്ന നിലപാടാണ് പീതാംബരൻ മാസ്‌റ്റർ സ്വീകരിച്ചത്.

അതേസമയം സുൽഫിക്കർ മയൂരി മുന്നണി വിട്ട സാഹചര്യത്തിൽ കേരള അഗ്രോ ഇൻഡസ്ട്രീസ് കോർപ്പറേഷൻ ചെയർമാൻ സ്‌ഥാനത്തേക്കും കെഎസ്ആർടിസി ഡയറക്‌ടർ ബോർഡിലേക്കും പുതിയ ആളെ നിയമിക്കേണ്ടതുണ്ട്. സർക്കാർ കാലാവധി തികക്കുന്നതിന് മുൻപുതന്നെ ആളുകളെ മാറ്റുകയും അതുവഴി പാർട്ടിയെ ശക്‌തമാക്കുകയും വേണമെന്നും ആവശ്യം ഉയരുന്നു.

Read Also: സ്‌ഫോടന സാമഗ്രികളുമായി മലയാളി പോപ്പുലര്‍ ഫ്രണ്ട് പ്രവര്‍ത്തകർ പിടിയിലെന്ന് യുപി പോലീസ്

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE