ഡെൽഹി: ഇന്ധന വിലവര്ധനവില് പ്രതികരണവുമായി ധനമന്ത്രി നിര്മ്മലാ സീതാരാമന്. ഇന്ധന വില വര്ധിക്കുന്നതില് കേന്ദ്രവും സംസ്ഥാനങ്ങളും ഒരുമിച്ച് പരിഹാരം കാണണം. കേന്ദ്രത്തിന് മാത്രമായി ഒന്നും ചെയ്യാൻ ആകില്ലെന്ന് മന്ത്രി പറഞ്ഞു.
ഇന്ധനവില ജിഎസ്ടി പരിധിയിൽ കൊണ്ടുവരാന് കേന്ദ്രം തയാറാണ്. ഇതിന് സംസ്ഥാനങ്ങളും തയാറാകണം. ഇതിനായി ഗൗരവമായ ചര്ച്ചകള് ആവശ്യമാണ്. ജിഎസ്ടി നിയമത്തില്ത്തന്നെ അതിന് വ്യവസ്ഥയുണ്ട്. പാര്ലമെന്റില് പുതിയതായി ഭേദഗി കൊണ്ടുവരേണ്ട ആവശ്യമില്ലെന്നും മന്ത്രി പറഞ്ഞു.
തുടർച്ചയായ 12ആം ദിവസമാണ് രാജ്യത്ത് ഇന്ധനവില ഉയരുന്നത്. പെട്രോളിനും ഡീസലിനും 39 പൈസ വീതമാണ് ഇന്ന് കൂട്ടിയത്. ഇതോടെ വിവിധ സംസ്ഥാനങ്ങളിൽ പെട്രോൾ വില 100 കടന്നു.