അബുദാബി: വീടുകളിൽ ക്വാറന്റെയ്നിൽ കഴിയുന്ന രാജ്യാന്തര യാത്രക്കാരും, കോവിഡ് ബാധിതരുമായി സമ്പർക്കത്തിൽ ഏർപ്പെട്ടവരും നാളെ മുതൽ റിസ്റ്റ് ബാന്റ് ധരിക്കേണ്ടെന്ന് വ്യക്തമാക്കി അബുദാബി. എന്നാൽ കോവിഡ് പോസിറ്റിവായി കഴിയുന്ന ആളുകൾ നിർബന്ധമായും റിസ്റ്റ് ബാന്റ് ധരിക്കണമെന്നും അധികൃതർ നിർദ്ദേശം നൽകി.
കൂടാതെ ഹോം ക്വാറന്റെയ്ൻ നടപടികൾ കർശനമായി പാലിക്കുന്നതിനും, മുൻകരുതൽ നടപടികൾ പാലിക്കുന്നുണ്ടെന്ന് ഉറപ്പ് വരുത്തുന്നതിനും, ആരോഗ്യ പരിപാലന സംവിധാനങ്ങളുടെ നിരീക്ഷണത്തിനും കൂടുതൽ അംഗീകാരം നൽകിയതായി അബുദാബി അടിയന്തിര ദുരന്ത നിവാരണ സമിതി വ്യക്തമാക്കി.
അതേസമയം തന്നെ രോഗവ്യാപന സാധ്യത നിലനിൽക്കുന്നതിനാൽ നിയന്ത്രണങ്ങൾ ലംഘിക്കുന്ന ആളുകൾക്കെതിരെ കർശന നടപടികൾ സ്വീകരിക്കുമെന്നും അധികൃതർ വ്യക്തമാക്കി. കൂടാതെ പൊതുജനാരോഗ്യവും സുരക്ഷയും നിലനിർത്തുന്നതിനും, രാജ്യത്തിന്റെ സുസ്ഥിരത കാത്തുസൂക്ഷിക്കുന്നതിനും മുൻകതലുകൾ പാലിക്കണമെന്ന് താമസക്കാരോടും സന്ദർശകരോടും സമിതി അഭ്യർഥിക്കുകയും ചെയ്തു.
Read also: ‘ഒരു പരീക്ഷയും ജീവനേക്കാൾ വലുതല്ല’; വിദ്യാർഥികളുടെ ആത്മഹത്യയിൽ നടൻ സൂര്യ