തിരുവനന്തപുരം: ‘അഴിമതിക്കെതിരെ ഒരു വോട്ട്’ എന്ന മുദ്രാവാക്യമാണ് തദ്ദേശ തിരഞ്ഞെടുപ്പില്‍ സര്‍ക്കാരിനെ നേരിടാനുള്ള ആയുധമെന്ന് വ്യക്‌തമാക്കി കോണ്‍ഗ്രസ് അദ്ധ്യക്ഷന്‍ മുല്ലപ്പള്ളി രാമചന്ദ്രന്‍. തദ്ദേശ തിരഞ്ഞെടുപ്പ് തീയതികള്‍ പ്രഖ്യാപിച്ചതോടെ മുന്നണികള്‍ തമ്മിലുള്ള പോര് മുറുകുകയാണ്.
സര്‍ക്കാരിന്റെ കോവിഡ് പ്രതിരോധ പ്രവര്‍ത്തനങ്ങള്‍ പരാജയപ്പെട്ടെന്നും പിആര്‍ ഏജന്‍സിയെ ഉപയോഗിച്ചു കൊണ്ട് നഷ്‌ടപ്പെട്ട ഇമേജ് വര്‍ധിപ്പിക്കാനുള്ള ശ്രമം നടത്തുകയാണെന്നും കെപിസിസി അദ്ധ്യക്ഷന്‍ ആരോപിച്ചു.
തദ്ദേശ തിരഞ്ഞെടുപ്പില്‍ മികച്ച സ്‌ഥാനാര്‍ഥികളെ നിര്‍ത്താനാണ് കോണ്‍ഗ്രസിന്റെ തീരുമാനം. യുവാക്കളുടെ പ്രാതിനിധ്യം ഉറപ്പാക്കും. മേയര്‍, മുനിസിപ്പാലിറ്റി ചെയര്‍മാന്‍, പഞ്ചായത്ത് പ്രസിഡണ്ട് തുടങ്ങിയ സ്‌ഥാനങ്ങളില്‍ പാര്‍ട്ടിയാണ് തീരുമാനം എടുക്കുക.
സ്വയം സ്‌ഥാനം പ്രഖ്യാപിക്കുന്നവരെ അയോഗ്യരാക്കും. പിന്നീട് അവരെ പാര്‍ട്ടിയില്‍ എടുക്കില്ലെന്നും മുല്ലപ്പള്ളി വ്യക്‌തമാക്കി. വിമതരെ പ്രോല്‍സാഹിപ്പിക്കില്ല. വിവിധ സാമൂഹിക സംഘടനകള്‍ തിരഞ്ഞെടുപ്പില്‍ സഹായം വാഗ്‌ദാനം ചെയ്‌തിട്ടുണ്ട്‌. മുല്ലപ്പള്ളി വാര്‍ത്താ സമ്മേളനത്തില്‍ അറിയിച്ചു.
Read Also: ‘ഇത് സുവര്‍ണാവസരം’; ചോദ്യം ചെയ്യാന്‍ വിളിപ്പിച്ചതില്‍ പ്രതികരണവുമായി ജലീല്‍
