തിരുവനന്തപുരം: സംസ്ഥാനത്ത് ഓണ്‍ലൈനായി പണമടച്ച് മദ്യം വാങ്ങുന്ന സംവിധാനം നാളെ മുതൽ നിലവില്‍ വരും. എറണാകുളം, കോഴിക്കോട് എന്നീ നഗരങ്ങളിലാണ് ഓണ്‍ലൈന്‍ ആയി മദ്യം വാങ്ങാനുള്ള സൗകര്യം പരീക്ഷണാർഥമായി നടത്തുക. ഇതിന് ശേഷം മറ്റു സ്‌ഥലങ്ങളിലേക്കും പദ്ധതി വ്യാപിപ്പിക്കും. booking.kabc.co.in എന്ന ലിങ്ക് വഴി ഓണ്‍ലൈന്‍ ബുക്കിംഗ് നടത്താം.
ബെവ്കോ ഔട്ട്ലെറ്റുകളിലെ തിരക്കും സാഹചര്യങ്ങളും ഹൈക്കോടതിയുടെ വിമര്‍ശനത്തിനും കാരണമായിരുന്നു. മദ്യം വാങ്ങാനെത്തുന്നവര്‍ കാത്തുകെട്ടി നില്‍ക്കേണ്ടി വരുന്ന സാഹചര്യം ചൂണ്ടിക്കാട്ടിയായിരുന്നു കോടതിയുടെ വിമര്‍ശനം.
ആള്‍ക്കൂട്ടം നിയന്ത്രിക്കാനാവില്ലെങ്കില്‍ മദ്യവില്‍പ്പന ശാലകള്‍ അടച്ചിടണമെന്ന് കഴിഞ്ഞ ദിവസം ഹൈക്കോടതി പറഞ്ഞിരുന്നു. അതേസമയം ഓണം പ്രമാണിച്ച് തിരക്കൊഴിവാക്കാന്‍ കഴിഞ്ഞ വ്യാഴാഴ്‌ച മുതല്‍തന്നെ മദ്യഷോപ്പുകള്‍ അധികസമയം പ്രവര്‍ത്തിക്കുന്നുണ്ട്.
Read also: സിദ്ദീഖിന് എതിരെ വീണ്ടും അന്വേഷണം; ആവശ്യം തള്ളി കോടതി
