ന്യൂഡെൽഹി: കേരളത്തിൽ നേതൃമാറ്റം നടപ്പാക്കിയ രീതിയിൽ പ്രശ്നമുണ്ടെന്ന് കോൺഗ്രസ് നേതാവ് ഉമ്മൻ ചാണ്ടി. നേതൃമാറ്റം നല്ല രീതിയിൽ നടപ്പാക്കാമായിരുന്നു. ഹൈക്കമാൻഡ് എടുക്കുന്ന ഏത് തീരുമാനവും അംഗീകരിക്കും. രാഹുലുമായുള്ള കൂടിക്കാഴ്‌ചയിൽ പൂർണ തൃപ്തിയുണ്ടെന്നും ഉമ്മൻ ചാണ്ടി പറഞ്ഞു.
അതേസമയം എഐസിസി ജനറൽ സെക്രട്ടറി പദം രാജിവെയ്‌ക്കുമെന്ന വാർത്തകൾ അദ്ദേഹം നിഷേധിച്ചു. പാർട്ടിയിൽ സമ്പൂർണ അഴിച്ചു പണിയുണ്ടാകുമോയെന്ന ചോദ്യത്തിന് അക്കാര്യത്തിൽ ചർച്ച ചെയ്ത് തീരുമാനം എടുക്കുമെന്നായിരുന്നു ഉമ്മൻ ചാണ്ടിയുടെ മറുപടി.
കോൺഗ്രസിലെ നേതൃമാറ്റത്തിൽ ഉമ്മൻ ചാണ്ടിക്കും രമേശ് ചെന്നിത്തലക്കും അതൃപ്തിയുണ്ടെന്ന റിപ്പോർട്ടുകൾ പുറത്ത് വന്നിരുന്നു. തുടർന്ന് ചെന്നിത്തലയേയും ഉമ്മൻ ചാണ്ടിയേയും കോൺഗ്രസ് ദേശീയ നേതൃത്വം ഡെൽഹിയിലേക്ക് വിളിച്ചു വരുത്തി ചർച്ച നടത്തുകയായിരുന്നു.
Malabar News: പാലക്കാട്-പറമ്പിക്കുളം ബസ് സർവീസ്; നിലച്ചിട്ട് 16 മാസം
