തിരുവനന്തപുരം: കോവിഡ് വ്യാപനത്തിന്റെ പശ്ചാത്തലത്തില് സംസ്ഥാന സര്ക്കാര് നടപ്പിലാക്കിയ സൗജന്യ ഓണകിറ്റ് വിതരണ പദ്ധതിയില് ക്രമക്കേട് നടക്കുന്നുണ്ടോയെന്ന് കണ്ടെത്താന് ‘ഓപ്പറേഷന് ക്ലീന് കിറ്റ് ‘ നടപ്പിലാക്കി വിജിലന്സ്. പദ്ധതിയുടെ ഭാഗമായി സംസ്ഥാനത്തുടനീളം വിജിലന്സ് ഉദ്യോഗസ്ഥര് മിന്നല് പരിശോധന നടത്തി.റേഷന് കടകളിലും മാവേലി സ്റ്റോറുകളിലുമാണ് പരിശോധന നടത്തിയത്.
സംസ്ഥാന വിജിലന്സ് ഡയറക്ടര് അനില് കാന്തിന്റെ നിര്ദ്ദേശപ്രകാരമാണ് മിന്നല് പരിശോധന.കേരള സര്ക്കാര് നടപ്പിലാക്കിയ സൗജന്യ ഓണകിറ്റ് വിതരണ പദ്ധതിയില് തിരിമറി നടക്കുന്നുണ്ടെന്ന രഹസ്യവിവരത്തിന്റെ അടിസ്ഥാനത്തിലാണ് ‘ഓപ്പറേഷന് ക്ലീന് കിറ്റ് ‘ ആരംഭിച്ചതെന്നാണ് വിവരം.