കൊച്ചി: പാലത്തായി പീഡനക്കേസിൽ സിബിഐ അന്വേഷണം ആവശ്യപ്പെട്ട് പ്രതി പത്‌മരാജന്‍ ഹൈക്കോടതിയിൽ ഹരജി സമര്‍പ്പിച്ചു. ശരിയായ അന്വേഷണം നടത്താതെയാണ് കോടതിയില്‍ റിപ്പോര്‍ട് സമര്‍പ്പിച്ചതെന്ന് ഹരജിയില്‍ പറയുന്നു. കേസിനു പിറകില്‍ രാഷ്‌ട്രീയ വിരോധമുണ്ടെന്നും പത്‌മരാജന്‍ ഹരജിയില്‍ ചൂണ്ടിക്കാട്ടി.
ഹരജിയില്‍ ഹൈക്കോടതി സര്‍ക്കാരിനോടും സിബിഐയോടും നിലപാട് തേടി. സംസ്‌ഥാന സര്‍ക്കാരും സിബിഐയും നിലപാട് അറിയിക്കണമെന്ന് കോടതി വ്യക്‌തമാക്കി. ഹരജി മൂന്നാഴ്‌ചയ്‌ക്ക്‌ ശേഷം വീണ്ടും പരിഗണിക്കും.
കേസ് സിബിഐയ്‌ക്ക്‌ കൈമാറണമെന്ന് ആവശ്യപ്പെട്ട് പത്‌മരാജന്റെ ഭാര്യ മുഖ്യമന്ത്രി പിണറായി വിജയന് നേരത്തെ കത്തയച്ചിരുന്നു. സർക്കാർ പരാതി പരിഗണിക്കാത്തതിനെ തുടർന്നാണ് ഹൈക്കോടതിയെ സമീപിക്കുന്നത്. 2020 ജനുവരിയിലാണ് പാലത്തായിയിൽ ഒമ്പതു വയസുകാരി പീഡനത്തിന് ഇരയായത്.
Sports News: ലോകകപ്പ് യോഗ്യത റൗണ്ട്; ഇന്ത്യ ഇന്ന് അഫ്‌ഗാനെ നേരിടും
